Дьэллик ыты көрдөххүнэ

Иччитэ бырахпыт эбэтэр иччилээх ааттаах да, көрүүтэ-истиитэ суох  көҥүл көччүйэр түөрт атахтаах доҕор, хомойуох иһин, билигин да  дэлэй. Төһө эмэ анал сулууспа үлэһиттэрэ дьэллик ыты тутууга үгүс күнү-дьылы ыыталларын, хааһына үбэ харыыта суох барарын үрдүнэн балаһыанньа итинник. Ол курдук, сыччах  Сайсары уокуругар, чааһынай сектора киэҥ да буолан буолуо,  бу дьыл 11 ыйыгар 273 ыт тутуллубут! Ити иһигэр кэнники нэдиэлэҕэ – 3 ыт. 

Сокуон быһыытынан, бэйдиэ сылдьар ыт тутуллар (отлов), төрөөбөт-ууһаабат оҥоһуллар (стерилизация), быһыы ылар (вакцинация) уонна  тутуллубут сиригэр төһө эрэ кэм буолан баран ... төттөрү ыытыллар. Эрэйдээх сокуон диэтэҕиҥ!

Ол да буоллар көрүүтэ-истиитэ суох, дьоҥҥо сэрэхтээх ыт бэйдиэ сылдьарын көрдөххүтүнэ, ааһа турумаҥ:

• Дьуһуурустубалыыр кэлим диспетчерскэй сулууспа +7 (4112)-44-42-51, 44-42-29 нүөмэригэр уонна “СРБЖ” ХЭУо +7-914-301-65-54 төлөпүөнүгэр эрийэн, ыт хайа диэки сылдьарын этэн, туттарар кыахтааххыт.

Ыккын сүтэрдэххинэ

Арай ыккыт төлө баран эбэтэр ханнык эмэ төрүөтүнэн алҕас тиэргэнтэн тахсар, сүтэр түгэнигэр 8-924-870-00-06 нүөмэргэ эрийэн токкоолоһор кыахтааххыт.

Ону тэҥэ Дьокуускай к. Очиченко уул., 57 нүөмэригэр баар “Помоги выжить” приюкка сирэй тиийэн ыйыталаһыаххытын сөп.

Сүрүнэ, ыккытын быстах да кэмҥэ көрүүтэ-истиитэ суох бэйдиэ ыытымаҥ, дьону эрэйгэ тэбимэҥ. Ыстараап улааппытын умнумаҥ.