Хапытаалынай өрөмүөн пуондата: пенитэ суох төлөһөр кыахтааххын

Ардыгар киһи булгуччулаах төлөбүрү умнан эбэтэр харчы кырыымчыгыттан төлөспөккө сылдьан, букатын да мунньан кэбиһэрэ баар буолар. Оннук түгэҥҥэ иэскэр эбии пени диэн ыстыраап эбиллэрин билэҕит.

Сорох тэрилтэлэр маннык дьону «бырастыы гынар» «прощеные дни» аахсыйаны тэрийээччилэр. Холобур, СӨ Хапытаалынай өрөмүөҥҥэ пуондата ахсынньы ый 31 күнүгэр диэри биллэрбит. Онуоха иннинээҕи иэһи таһынан бу ыйдааҕы төлөбүрү олоччу төлөһүөххэ наада.

Оттон ол кыаллыбат, букатын улахан иэс мунньуллубут түгэнигэр, иэһи реструктуризациялатар гына сөбүлэҥ түһэрсиэххэ эмиэ сөп. Ол аата кыра-кыралыы, уһатан төлөһөргө кэпсэтэҕин.

Хапытаалынай пуонда тэрилтэтэ Дьокуускай куорат Чепалов уул., 32 үлэлиир. Үлэ күннэригэр: 09:00–18:00 чч., эбиэт тохтобула: 13:00–14:00 чч.

Кыһалҕаламмыттар бэнидиэнньик – чэппиэр күннэргэ сарсыарда 09.00 чаастан киэһэ 17.00 чааска диэри сирэй тиийэн быһаарсыаххытын сөп. Эбиэттиир кэмнэрэ: 13.00–14.00 чч.

• Тиийиэх иннинэ 8 (4112) 319-014 нүөмэргэ эрийэн, ыйыталаһан, чопчулаһар ордук.
Эл. почталара: Fondkr14@mail.ru

• Хапытаалынай пуонда официальнай саайта – Fondkr.ru. Онно киирэн виртуальнай көмөлөһөөччүнү туһаныахха сөп.

• Ону таһынан саайка «Оставить сообщение» суругу баттаан, ааккын-суолгун уонна  туох ыйытыылааххын суруйан ыытар кыахтааххын.

• Оттон “Собственникам” диэн сигэнэн расчетнай счёккут нүөмэрин (умнан кэбиспит буоллаххытына) билиэххитин, сайабылыанньа былааҥкатын хачайдаан ылыаххытын, хайдах, туох докумуоннары туттаран иэһи уһатан төлөһүөххэ сөбүн (реструктуризация) билиэххитин сөп.

• 2025 сыл тохсунньутуттан саҕалаан, хапытаалынай өрөмүөн пуондатыгар төлөнүөхтээх усунуос хайыы үйэ бигэргэммит. Төһө-хачча буолбутун хаартыскаҕа көр.