Сарсыҥҥыттан, ахсынньы 7 күнүттэн, 2 №-дээх уонна 19 №-дээх оптуобустар уларытыллыбыт схеманан сылдьыахтара

Ахсынньы 7 күнүттэн 2 №-дээх уонна 19 №-дээх маршруттарыгар сырыыларыгар уларыйыы киирэр. 
Ол курдук, 2 №-дээх маршрут нэһилиэнньэ туруорсуутунан уонна Дьокуускайдааҕы харах балыыһатыгар таарыйар сыалтан Свердлов уулуссатынан киирэн ааһыаҕа. Ол оннугар Халтурин уулуссатыгар 19 №-дээх оптуобус киириэҕэ, бу машрут маны сэргэ 17 №-дээх оскуоланан ааһыаҕа.
Олохтоох дьаһалта Куораттааҕы суол-тырааныспар сулууспатыгар иһитиннэрэллэринэн, маннык схема уопсастыбаннай тырааныспар сырыытын чинчийэр хамыыһыйанан ахсынньы ортотугар бүтэһиктээх быһаарыы ылыллыар диэри үлэлиэҕэ. 
Бары боппуруостарынан 300-997 төлөпүөнүнэн эбэтэр Михаил Николаев пр., 11, 3-с этээс аадырыска билсэргитигэр ыҥыраллар.