Счетчик көрдөрүүтүн биэрэргэ «Алена» робот өҥөтүнэн туһаныахха сөп
Ый 25 чыыһылатыгар диэри электроэнергия счетчигынан көрдөрүүнү биэрэр кэм. Энергетиктэр маныаха «Алена» диэн виртуальнай көмөлөһөөччү өҥөтүнэн туһанарга ыҥыраллар.
Олунньу ыйга «ДЭК» Саха Өрөспүүбүлүкэтин олохтоохторуттан 16,6 тыһыынча прибор көрдөрүүтүн ылбыт буоллаҕына, онтон 12 тыһыынчата – «Алена» робот көмөтүнэн, диэн иһитиннэрэр «Якутскэнергосбыт» «ДЭК» ПАО
«Аленаҕа» счетчик көрдөрүүтүн суукканы эргиччи 8-800-234-77-77 биир кэлим нүөмэргэ эрийэн, "Показания" диэн тылы саҥаран биэриэххэ сөп. Система эһигиттэн квитанцияҕа ыйыллар тус счеккутун, олорор аадырыскытын эрэ ыйытыаҕа.
Электроэнергия счетчигын көрдөрүүтүн маны сэргэ биэриэххэ сөп:
- «ДЭК» ПАО саайтыгар регистрацията суох;
- Тус кабинет нөҥүө;
- «ДЭК Якутскэнергосбыт» төлөпүөн сыһыарыытын нөҥүө;
- ДЭК саайтыгар видеозвонок көмөтүнэн (үлэ күннэригэр 09.00-19.00чч.);
· ДЭК офистарыгар сирэй тиийэн.