25.04.2024 | 09:00

Куоластааһын түмүктэнэрэ 5 күн хаалла!

Куоластааһын түмүктэнэрэ  5 күн хаалла!
Ааптар: Айталина СОФРОНОВА
Бөлөххө киир

2025 сылга тупсарыллар эбийиэктэри быһаарар Бүтүн Арассыыйатааҕы куоластааһын түмүктэнэрэ 5 күн хаалла.
Куоластааһыҥҥа 14-тэн үөһэ саастаах Арассыыйа гражданнара 14.gorodsreda.ru балаһааккаҕа киирэн, сөбүлээбит бырайыактарын талан кыттыахтарын сөп. 
Дьокуускай куорат олохтоохторо быйыл Гагарин аатынан сквер, Щорс күөлүн кытыла, Сэргэлээх күөлүн кытыла (ДСК оройуона), Теплай күөл кытыла, «Ытык сир» паарка (Новопортовской оройуон) курдук 5 эбийиэктэн биирин талаллар.

Сэргэлээх күөлүн кытыла

Куоластыыр сигэ:

14.gorodsreda.ru/objects/improvement/50222. Бүгүҥҥү туругунан 2 287 киһи куоластаабыт.

 

Эбийиэк дизайн-бырайыага: Велопарковка, атыы-эргиэн павильоннара, кафелар, сибэкки кашполаах ыскамыайкалар, ууга киирэр далаһа, амфитеатр, сынньалаҥ зоната уонна тыы проката бааллар. Маны таһынан волейбол, баскетбол оонньуур миэстэлэр, воркаут балаһаакка, оҕо, спорт балаһааккалара, фонтан киирбиттэр.

 

Сэргэлээх күөлэ Дьокуускай куорат Автодорожнай уокуругар ДСК оройуонугар баар. Манна биэрэги бөҕөргөтүү, сырдатыы диэн суох. Төһө даҕаны уокурук куорат биир элбэх нэһилиэнньэлээх оройуона буоллар, тупсарыы өттүгэр “улахан эбийиэк” суоҕун кэриэтэ. Инньэ гынан бу эргин олорооччулар бары куорат киин сирин диэки талаһаллар. Күөлгэ көҥүлэ суох далаһанан киирэллэр. Биллэн турар, бу улахан кутталы үөскэтэр. ДСК оройуонугар үс оҕо уһуйаана баар, күөлтэн чугас 6 №-дээх орто оскуола баар уонна “Звезднай” саҥа микрооройуон тутуллар.

2019 сылтан «Куорат сиригэр нэһилиэнньэҕэ табыгастаах эйгэни тэрийии» федеральнай бырайыагынан Арассыыйа үрдүнэн маннык куоластааһын түмүгүнэн 11,8 тыһыынча уопсастыбаннай туона тэрилиннэ.
Оттон Дьокуускай куоракка араас сылларга Таалай күөл, «Ворота Якутска» сквер, Учуутал бульвара, Сири оҥорооччулар сквердэрэ, Дьаамсыктар сквердэрэ, Тыыл үлэһиттэрин скверэ тупсарыллыбыттара. Былырыын Сайсары күөл кытылын уонна Ийэ скверин тупсарыы саҕаламмыта, быйыл Федор Попов аатынан сквери тутуу былааннанар.

Щорс күөлүн кытыла

Куоластыыр сигэ:

14.gorodsreda.ru/objects/improvement/50247.

Бүгүҥҥү  туругунан 2 946 куолас киирбит.

 

Эбийиэк дизайн-бырайыага: Күөл гражданскай сэрии дьоруойа Николай Щорс аатын сүгэр. Куорат киинигэр сытар буолан, ону таһынан балыыһа, быыһыыр сулууспа чугастарынан, сайын устата манна 40 000 тыһ. тахса киһи көрөн, таарыйан ааһар. Онон бырайыакка сынньанар ыскамыайкалар, сатыы дьон сылдьар суола, күөлгэ киирэр пирс, тимир көлө туруорар анал парковка, кыһыннары-сайыннары үлэлиир кафе киирбиттэр.

 

Щорс күөлэ – куорат килбэйэр киинэ, нэһилиэнньэ кыһыннары-сайыннары  сөбүлээн сынньанар сирэ. Күөл Дьокуускай куорат Киин уокуругар Курашов уулуссатын кыйа сытар. Кэлиҥҥи сылларга күөл экологическай туруга быстар мөлтөөбүтүн олохтоохтор бары даҕаны билэ-көрө сылдьабыт. Онуоха эбии кытылыгар олорон сынньана түһэр ыскамыайка да ахсааннаах, сатыы дьаарбайар суол-иис мөлтөҕө да хомотор. Аны туран, тырааныспар уонна сатыы дьон сылдьар суолларын икки ардыларыгар хаарчахтааһын суох, ууга киирэргэ биир эрэ түһүү баар, сырдатыы туһунан этэ да барыллыбат. Күөл тулата бүтүннүү отунан-маһынан саба үүнэн, бөҕүнэн-сыыһынан көмүллэн турар. Биллэн турар, бу маннык хартыынаҕа олохтоохтор бэйэбит буруйдаахпыт. Хомойуох иһин, киин куораппыт күөллэрэ бары даҕаны сыбаалкаҕа кубулуйан тураллар.

Теплай күөл кытыла

Куоластыыр сигэ:

14.gorodsreda.ru/objects/improvement/50296.

Бүгүҥҥү туругунан 5 213 куолас киирбит.

 

Эбийиэк дизайн-бырайыага: Теплай күөл куорат олохтоохторо биир сөбүлээн сынньанар сирдэрэ. Тротуар уонна уу таһынан барбатын хааччыйар конструкция алдьаммыттар, уот остуолбалара уонна бүрүөһүннэр айгыраабыттар. Дизайн-бырайыак чэрчитинэн сылы эргиччи үлэлиир павильон, көхтөөх сынньалаҥҥа аналлаах спортивнай балаһаакка, бетон ыскамыайкалар оҥоһуллаллара былааннанар. 

 

Теплай күөл М.К. Аммосов аатынан Хотугулуу-Илиҥҥи федеральнай университет аттыгар устудьуоннар куораттарын оройуонугар баар. Күөлгэ сайыҥҥы кэмҥэ үлэлиир фонтаннаах. Билигин күөл тула маннык кыһалҕалар бааллар: күөл соҕуруу өттүнэн уута халыйан тахсар, кытыытынан сатыы киһи хаамар суола-ииһэ суох.

2023 сылга Федор Попов аатынан сквер дизайн-бырайыагын иһин 9148 куолас киирэн, кыайыылааҕынан тахсыбыта. Рейтиннээх куоластааһыҥҥа Дьокуускай куорат уопсайа 29 679 олохтооҕо кыттыыны ылбыта.

Ю.А. Гагарин аатынан сквер

Куоластыыр сигэ:

14.gorodsreda.ru/objects/improvement/50232.

Бүгүҥҥү күҥҥэ бу эбийиэккэ 14 294 киһи куоластаабыт.

 

Эбийиэк дизайн-бырайыага: Сквер сынньанар, мемориальнай, күүлэйдиир, оҕо оонньуур, быыстапкалыыр зоналардаах. Үс пааматынньык баар – «Аляска-Сибирь» дьоруойдарыгар аналлаах мемориальнай стела, сөмөлүөт куоппуйата уонна Ю. А. Гагарин бюһа.

 

Бырайыак Гагарин уокуругар Можайскай уулуссатыгар, аэропорт оройуонугар турар буолан, Туймаада туонатыгар киирэр аартык суол. Сквер 38 №-дээх, 24 №-дээх оскуолалар, «Незабудка» оҕо уһуйаанын, Ю.А. Гагарин аатынан Аныгы култуура уонна искусство киинин, «Оригинал» маҕаһыын тастарыгар турар. Суол нөҥүө «Ворота Якутска» эбийиэк көстөр, Дьокуускай куорат аэропорда мантан 500 м тэйиччи. 

«Ытык сир» паарка

Куоластыыр сигэ: 14.gorodsreda.ru/objects/improvement/50275.

Бүгүҥҥү күн туругунан 12 683 киһи куоластаабыт.

 

Эбийиэк дизайн-бырайыага: Паарка территорията сынньанар, спордунан дьарыктанар уонна аралдьыйар зоналарга арахсар, «Ытык сир» пааматынньык былааннанар.

 

«Ытык сир» паарка киин куорат Гагарин уокуругун Новопортовской дьоҕус оройуонугар былааннанар. Эбийиэк тутуллуохтаах сирэ билигин отунан үүнэн турар. Ыллыктар, аллеялар, балаһааккалар, тимир көлө тохтуур сирдэрэ, ханнык да тупсарыы суох.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...