Спорт | Страница 13 | EXO-YKT

Спорт | 03.02.2022 | 17:27

Виктор Рассадин — Ярыгин турнирын кыайыылааҕа!

Красноярскайга “Иван Ярыгин” норуоттар икки ардыларынааҕы Гран-при турнира күлүмнэтэн ааһа оҕуста. Уон биир дойдуттан, ол иһигэр тустуу муҥутуур сайдыбыт АХШ, Монголия, Азербайджан, Грузия, Белоруссия, Молдавия, Казахстан, Кыргызстан, Арассыыйа бөҕөстөрө көбүөргэ таҕыстылар. Муус устар ыйга Венгрия Будапешт куоратыгар ыытыллар түһүлгэ хамаандатын сүүмэрдиир суолталаах Ярыгин турнира эппиэтинэһэ улахан. Биһи үрдүк үөрүүбүтүгэр, Виктор...

Спорт | 28.01.2022 | 13:43

«Чэбдиктэр» тымныынан чэбдигирэллэр

Дьокуускайтан тыһыынча килэмиэтир кэриҥэ тэйиччи сытар “Тымныы Эргимтэтэ” Өймөкөөҥҥө тохсунньу 21-22 күннэригэр дьоро күннэр буоллулар. Тыйыс айылҕалыын хатыһар хоту сиргэ үгэскэ кубулуйбут Норуоттар икки ардыларынааҕы III кыһыҥҥы экстремальнай марафон үрдүк таһымҥа ыытылынна. Аан дойду таһымнаах өрөспүүбүлүкэ дьаһалыгар ойбоҥҥо сөтүөлээн туруктарын бөҕөргөтөөччүлэр эмиэ кытыннылар. Сарсыарда эрдэ термометр таһырдьа -52 тымныыны көрдөрдө....

Спорт | 21.01.2022 | 15:00

Хамсаныы уонна харбааһын туһата

Сахабыт сирэ күннэтэ үүнэ-сайда, чэчирии турарыттан киһи эрэ сүргэтэ көтөҕүллэр. От-мас тоһутталанар тохсунньу томороон тымныытыгар ыбылы тоҥон турар күөллэргэ, үрэхтэргэ умсар дьон бааллар, үгүстэр сиэдэрэй оҥоһуулардаах спорткомплекстарга баар бассейннарга сөтүөлүүллэр. Онтон киһи соһуйбат, буолуохтааҕын курдук ылынар. Билигин олорор кэммит оннук дьиктилэрдээх! Дьоннор бүгэн, быар куустан таах олорботтор. Пандемия биллэриллиэн аҕай...

Спорт | 14.01.2022 | 20:42

«Sakhalifting» тардынааччылара сөхтөрөллөр

Ханна да тиийдэххэ, физкультуранан уонна спордунан утумнаахтык дьарыктанааччылар бааллар. Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...

Спорт | 14.01.2022 | 20:42

Николай Тарскай чемпионатыгар

Олунньу ыйга Дьокуускайга Уһук Илин регионун көҥүл тустууга чемпионатын көбүөрэ тэлгэниэхтээх. Онно кыттарга сүүмэрдэммит хамаандаҕа киирэр суолталаах быйылгы Саха өрөспүүбүлүкэтин Николай Тарскай кэриэһигэр Аллараа Бэстээххэ буолан ааспыт биирдиилээн уонна хамаанданан бастыыр иһин чемпионакка 29 хамаандаттан 293 бөҕөс көбүөргэ таҕыста. Ыйааһын аайы аҕыс иһигэр киирбиттэр Бороҕоҥҥо буолар Саха сирин норуоттарын VIII-с...

Спорт | 31.12.2021 | 10:30

Спорт сонуннара

Cаха тустуутун умнуллубат өрөгөйө Ааспыт бээтинсэҕэ Бырабыыталыстыба 1№-дээх дьиэтигэр баар Саха Өрөспүүбүлүкэтин мунньахтыыр саалатыгар Олимпийскай оонньууларга саха бөҕөстөрө өрөгөйдөөх кыайыыларын бэлиэтээһин үөрүүлээх быһыыга-майгыга ыытылынна. 1976 сыл от ыйын 31 күнүгэр Канада Монреаль куоратыгар Чурапчытааҕы спортивнай оскуола-интэринээт тренерэ Дмитрий Петрович Коркин иитиллээччилэрэ Павел Пинигин кыһыл көмүс, Роман Дмитриев уонна Александр Иванов...

Спорт | 28.12.2021 | 12:30

Спорт сонуннара

Саха Өрөспүүбүлүкэтин Аҕа баһылыга Айсен Николаев Ил Түмэн дьокутааттарыгар оҥорбут Туһаайыытыгар физическэй култуураҕа уонна спорка соруктары туруорарыгар, үбүлүөйдээх сылга аны сайын Бороҕоҥҥо буолар Саха сирин норуоттарын VII-с спортивнай оонньууларын, бэс ыйыгар Дьокуускайга ыытыллар мас тардыһыыга аан дойду чемпионатын, Сахабыт сиригэр спорт сайдыытыгар уонна былыргы өбүгэлэрбититтэн кэлбит төрүт оонньуулары үйэтитиигэ суолталарын...

Спорт | 27.12.2021 | 18:30

Спорт сонуннара

Швеция Вестерос куоратыгар түмүктэммит Европа ыччаттарын пауэрлифтиҥҥэ чемпионатыгар Үөһээ Бүлүүттэн Богдан Прокопьев 120 кг үөһэттэн үөһэни үктүүр саамай ыарахан ыйааһыннаахтарга штанганы санныгар сүгэн баран олорон турууга (приседка) 350 кг, үс көрүҥ түмүгүнэн 872,5 кг ылан, үһүс миэстэҕэ тигистэ. Богдан маны сэргэ Арассыыйа ыччаттарыгар бэйэтин икки рекордун тупсарда. Черногория Будва куоратыгар...

Спорт | 12.12.2021 | 18:00

Талааннар Ньурбаттан тахсаллар

Сэтинньи 30 - ахсынньы 4 күннэригэр наукаҕа, искусствоҕа уонна спорка дьоҕурдаах оҕолору көрдүүр өрөспүүбүлүкэ IV-с Үөрэхтээһиҥҥэ экспедицията спорка баай үтүө үгэстэрдээх Ньурба оройуонугар үлэлээтэ. Бу иннинэ Уус Алданынан, Мэҥэ Хаҥалаһынан, Чурапчынан, Кэбээйинэн, Горнайынан, Өймөкөөнүнэн сылдьыталаабыта. Барыта биэс тыһыынча оскуола оҕотун, спортивнай оскуолалар иитиллээччилэрин анал үөрэхтээх исписэлиистэр тургуттулар. Ньурба экспедициятын бырайыак...

Спорт | 04.12.2021 | 17:00

Спорт сонуннара

Москва аннынааҕы Долгопруднай куоракка түмүктэммит пауэрлифтиҥҥэ аан дойду Кубогар уонна силовой көрүҥнэргэ Хаҥалас Үөдэйиттэн төрүттээх-уустаах Евгений Самсонов 60 кг чаҕылхайдык кытынна. Сытан эрэ штанганы өрө анньыыга уонна стритлифтиҥҥэ кыһыл көмүс мэтээллэри ылаттаата, итиэннэ Арассыыйа спордун маастара буолары ситистэ. Дэгиттэр сайдыылаах Евгений Самсонов “Небесная река” киин ушуга уонна цигуҥҥа тренеринэн үлэлиир....

Спорт | 26.11.2021 | 12:00

Өймөкөөҥҥө эдэрдэри кытта үлэ

Дьоҕурдаах ыччаты көрдүүр үөрэхтээһин экспедицията бу саас өрүс илин эҥэр улуустарынан, Кэбээйинэн уонна Горнайынан сылдьыбыта. Бу сырыыга эдэр талааннары көрдүүр III-с экспедиция сэтинньи 17-20 күннэригэр хоту Өймөкөөн улууһугар баран кэллэ. Наука, искусство уонна спорт эйгэлэригэр 15 киһилээх үлэлиир бөлөх Уус Ньаранан, Томторунан сылдьан, Өймөкөөн, Үчүгэй, Сордоҥноох сэлиэнньэлэрин оҕолорун, учууталлары, тренердэри...

Спорт | 18.11.2021 | 16:30

Спорт сонуннара

Хайыһардар дайаллар “Саха ракетатынан” сүрэхтэммит Ленскэй 24 саастаах хайыһардьыт ыччата Александр Клуген Арассыыйа сүүмэрдэммит хамаандатыгар Финляндия Муонио куоратыгар норуоттар икки ардыларынааҕы күрэхтэһиигэ кытынна. 1 км сприҥҥэ 15-с миэстэлэннэ, 15 км “классикаҕа” 84 кыттааччыттан 37-с көрдөрүүлэннэ. Сприҥҥэ аан дойду икки төгүллээх чөмпүйүөнэ Сергей Устюгов бастаата, Александр Терентьев иккис, итальянец Фредерико Пеллегримо...

Спорт | 15.11.2021 | 15:00

Хайыһар тренерэ

Хатас хайыһарга Алданнааҕы спортоскуолатын филиалын тренерэ, аан дойду үс чемпиона Станислав, Герман, Александр уолаттардаах дьоһун-мааны ыал тапталлаах аҕата, ытык эһэтэ Степан Степанович Контоев Алдаҥҥа сыл устата хаста да кэлэн барар. Бу да сырыыга Арассыыйа сүүмэрдэммит хамаандатын кытта даҕаспытынан уон биир оҕотун илдьэ кэлбит. Олимпиецтар хайдах дьарыктаналларын көрөр сыаллаахтар-соруктаахтар. Степан Степановиһы...

Спорт | 07.11.2021 | 16:30

Спорт сонуннара

Алдантан — ПЕКИҤҤЭ Алданнааҕы хайыһар базатыгар Арассыыйа хайыһарга уонна биатлоҥҥа сүүмэрдэммит хамаандалара эрчиллэн-бэлэмнэнэн бүтэн, улахан күрэхтэһиилэргэ тарҕаһан эрэллэр. Арассыыйа сүрүн тренердэрэ Олег Перевозчиков хайыһарга, Юрий Каминскай биатлоҥҥа эрчийдилэр. Хас да сүүмэрдээһин түһүмэхтэри ааһан, олунньуга Пекиҥҥэ буолар кыһыҥҥы олимпийскай оонньууларга кыттар сүрүн сыал-сорук турар. Арассыыйа күүстээх хайыһардьыттарын ортолоругар Олимпийскай оонньуулар үрүҥ...

Спорт | 31.10.2021 | 15:30

Спорт сонуннара

Пандемия хааччахтааһыннарыгар улаханнык мэһэйдэппэккэ, Адаптивнай спорт спортсменнара үрдүк ситиһиилэринэн үөрдэллэр. Сунтаартан төрүттээх-уустаах, олорон эрэ волейболга Арассыыйа сүүмэрдэммит хамаандатын чилиэнэ Алена Дмитриева Европа чемпионатыттан кыһыл көмүс мэтээли ылары ситистэ! Олорон эрэ волейболга Европа чемпионата алтынньы 13-24 күннэригэр Турцияҕа буолан ааста. Арассыыйа хамаандата бэйэтин бөлөҕөр Венгрия, Украина, Италия хамаандаларын хотуталаан, бөлөҕөр бастаабыта....

Спорт | 31.10.2021 | 15:00

Тустуу үгэстэригэр иитии, дьарык туһунан саҥа кинигэ

Хомуурунньук-кинигэ В.П. Керемясов аатынан Дьокуускайдааҕы тустууга аналлаах 3 №-дээх оҕо спортоскуолата төрүттэммитэ 20 сылыгар анаммыт.

Спорт | 24.10.2021 | 14:00

Спорт сонуннара

Благовещенскайтан – 12 мэтээл Амур куоракка Алексей Ковалев сырдык кэриэһигэр ыытыллыбыт Бүтүн Арассыыйатааҕы көҥүл тустуу турнира ситиһиилээхтик буолан ааста. Тустууктар Арассыыйа спордун маастарын нуорматын толоруохтарын сөп үгэс буолбут күрэхтэһиилэригэр Саха сирин хамаандата биэс кыһыл, түөрт үрүҥ уонна үс боруонса мэтээли ылла: Кыһыл көмүс: 61 кг – Александр Иванов, 70 кг...

Спорт | 09.10.2021 | 19:00

Үөһээ Бүлүү боотура Богдан Прокопьев: «Сылаа баар буоллаҕына ситиһии кэлэр»

Соторутааҕыта Швеция Хальмстад куоратыгар 23 саастарыгар диэри эдэрдэргэ аан дойдуга пауэрлифтиҥҥа бастыыр иһин күрэхтэһии үрдүк тэрээһиннээхтик ыытылынна. Арассыыйа спордун маастара, пауэрлифтер, Үөһээ Бүлүү боотура Богдан Прокопьев үс мэтээли, ол иһигэр биир үрүҥ көмүс, икки боруонсаны ылла. Билигин Богдан Москва куоракка баар. Төһө даҕаны бириэмэ кырыымчыгын иһин, “Киин куорат” хаһыат ааҕааччыларыгар...

Спорт | 05.10.2021 | 13:30

Алена Дмитриева: «Паралимпиада олоҕу көрүүбүн уларытта»

Саха сирин Паралимпийскай эрэлэ, быйылгы Паралимпиада кыттыылааҕа Алена Дмитриева туһунан биһиги хаһыаппытыгар уопсай тылынан, сонун быһыытынан билиһиннэрбиппит. Бу сырыыга ирэ-хоро кэпсэттибит, үгүһү биллибит. Биир спартакиада кини олоҕун уларыппытын, спорка бастакы хардыыта кыайыы өрөгөйүттэн саҕаламмытын бэркэ биһирии иһиттибит. Олорон эрэ волейболга аан дойду чемпиона, Европа икки төгүллээх чемпиона сэрэйэр ураты дьоҕурдааҕын,...

Спорт | 02.09.2021 | 16:00

Спорт сонуннара

Анастасия Диодорова — алтыс миэстэ Атырдьах ыйын 30 күнүгэр паралимпийскай Токиоҕа харбааһыҥҥа дьахталлар ортолоругар 50 миэтэрэҕэ баттерфляй харбааһыҥҥа күрэхтэһиилэр ыытылыннылар. Манна Саха сирин эрэлэ Анастасия Диодорова кытынна. Кини стартовай харбааһыҥҥа 41.51 бириэмэнэн кэлэн, алтыс миэстэ буолла. Кытай кыыһа Цзян Юянь 34.56 сөкүүндэнэн кэлэн, аан дойду рекордун олохтоото. Хомойуох иһин, Анастасия...

Спорт | 25.08.2021 | 17:34

Спорт сонуннара

Токиоҕа сахалар ааттарыттан Атырдьах ыйын 24 күнүгэр Паралимпиада үөрүүлээх аһыллыыта буолла. Японияҕа ыытыллар аан дойду бастыҥнарын түһүлгэтэ балаҕан ыйын 5 күнүгэр түмүктэниэҕэ. Пандемияттан сылтаан трибуналар кураанахтар. 162 национальнай хамаандаттан 4400 кыттааччы киириэҕэ, ол иһигэр дойдуларыттан куотарга күһэллибит спортсменнар кыттыахтара. Оонньууларга Бутан, Гренада, Мальдива, Парагвай, Сент-Винсент уонна Гренадин аан бастаан кэллилэр....