12.05.2022 | 13:00

Ил Дархан өрөспүүбүлүкэ салалтатын иннигэр сүрүн соруктары туруорда

Ил Дархан өрөспүүбүлүкэ салалтатын иннигэр сүрүн соруктары туруорда
Ааптар: Киин Куорат
Бөлөххө киир

Билиҥҥи туругунан халаан уутун ааһыыта уонна ойуур баһаардарыгар бэлэмнээх буолуу сүрүн соруктарынан буолалларын туһунан Ил Дархан Айсен Николаев миниистирдэри уонна Бырабыыталыстыба дьаһалтатын кытта мунньахха эттэ. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
Айсен Николаев кыра үрэхтэр муустара ааһыытын хонтуруолга ылан, олохтоох былаастары кытта бииргэ суһал түгэннэри сэрэтиигэ үлэлээһини сорудахтаата. Кини ойуур баһаардарын утары охсуһууга минерализованнай балаһалары өссө биирдэ бэрэбиэркэлиир уонна нэһилиэнньэ өрт уотун ыытарын таһаарбат туһугар үлэни ыытар булгуччулааҕын тоһоҕолоон бэлиэтээтэ. Итиэннэ ураты болҕомтону Амма уонна Уус Майа улуустарыгар уонна Саха сирин соҕуруу өттүгэр уурарга сорудахтаата.
Ил Дархан саҥа федеральнай быһаарыылары олоххо киллэрии улахан суолталааҕын туһунан санатта. Арассыыйа Бэрэсидьиэнэ Владимир Путин сорудаҕынан ЛНР, ДНР уонна Украина территорияларыгар байыаннай эпэрээссийэҕэ кыттар байыаннайдар дьиэ кэргэттэригэр көмө оҥоһуллар буолла. Ол курдук, байыаннайдар уонна ис дьыала уорганнарын сотрудниктарын оҕолоро үөрэххэ киириилэригэр чэпчэтиилэр көрүлүннүлэр. Саха сиригэр итинник дьиэ кэргэттэр абитуриент оҕолорун эмиэ өйүөхтэрэ уонна бүддьүөт миэстэлэрин биэриэхтэрэ.  
Санкция усулуобуйатыгар экэниэмикэни уонна нэһилиэнньэни өйөөһүн миэрэлэрэ салҕаналлар. Арассыыйа Бырабыыталыстыбата хантараак сыанатыттан 80%-ҥа диэри хапытаалынай өрөмүөнү хааччыйар тэрилтэлэргэ судаарыстыбыннай абаансалааһын боруогун улаатыннарда. Итини сэргэ IT-исписэлиистэргэ чэпчэтиилээх ипотека 5% диэри буоларын бырабыыталыстыба бигэргэттэ. «Сорукпут элбэх, халаан уута ааһыытын уонна баһаартан сэрэхтээх буолуу сезонун боппуруостарын быһаарыыны уонна федеральнай таһымҥа ылыныллыбыт экэниэмикэни өйүүр миэрэлэри суһаллык олоххо киллэриэхтээхпит», - диэтэ Айсен Николаев.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...