Сонуннар | Страница 324 | EXO-YKT

Сонуннар | 17.03.2021 | 06:06

Үүнэр көлүөнэ театра Еврейскэй автономнай уокурук Биробиджан куоратыгар айанныаҕа. Гастрол «Оҕолорго уонна ыччакка улахан гастроллар» бырагыраама чэрчитинэн тэриллэр. Бу бырагыраамаҕа 2021 сыллаахха Үүнэр көлүөнэ театра РФ култуураҕа министиэристибэтин уонна «РОСКОНЦЕРТ» бэстибээлин бырагырааматын өйөбүлүнэн киирбитэ. Тэрээһин муус устар 3-10 күннэригэр «Кудесник» куукула театрын сыанатыгар ыытыллыаҕа. Театр Екатерина Ткачева «Мин кыра таҥарам»...

Сонуннар | 17.03.2021 | 06:05

ГТО туттарыан баҕалаахтары ыҥыраллар

“Туймаада” спорткомплекс 90 сылын чэрчитинэн, Саха сирин олохтоохторун ГТО нуорматын туттарарга уонна специалистар сүбэлэрин ыларга ыҥыраллар. Ол курдук, нормативы туттарыы хас бээтинсэ аайы олохтоох бириэмэнэн 14.00-16.00 ч. «Туймаада» стадиоҥҥа ыытыллар. «ГТО күннэрэ» кулун тутар 24 күнүгэр диэри салҕанан барыахтара. Өрөспүүбүлүкэбитигэр уопсайа 41 үрдүк үөрэхтээх уонна идэтийбит специалистар үлэлиир ГТО кииннэрэ...

Сонуннар | 17.03.2021 | 06:02

Быйыл хаһааҥҥытааҕар да элбэх суол оҥоһуллуоҕа

«Куталла суох уонна хаачыстыбалаах айан суоллара» национальнай бырайыак чэрчитинэн, 2021 сылга Дьокуускайга 48 килэмиэтир кэриҥэ суол тутуллуоҕа. Маны сэргэ, Тулагыга уонна Табаҕаҕа элбэх оҕолоох ыаллар учаастактарыгар киирэр суоллар оҥоһуллуохтара. Нагорнай, Винокуров, Можайскай уулуссаларын саҥалыы тутуохтара, Окружного шоссе, Бабушкин, Пирогов, Ильменскэй уулуссаларыгар хапытаалынай өрөмүөн үлэтэ ыытыллыаҕа. Жуковскай, Авиатордар, Николаев, Советскай, Олега...

Сонуннар | 17.03.2021 | 06:00

102 дьиэ көһөрүллүөҕэ

2021 сылга Дьокуускай куорат, өрөспүүбүлүкэтээҕи бырагыраама чэрчитинэн, эбии 4,5 млрд солкуобайы ылла. Бу элбэх кыбартыыралаах 102 дьиэни көһөрөргө көмө буолар үп. Бу иннинэ 20 эрэ дьиэни көһөрөр былаан баара. Куорат салалтата хаарбах туруктаах уонна сууллар кутталлаах дьиэлэртэн олохтоохтору көһөрүүгэ үгүс үлэни ыытар былааннаах. Бу туһунан олохтоох дьаһалта нэһилиэнньэҕэ ыытар сыллааҕы...

Сонуннар | 17.03.2021 | 05:58

“Пугало” киинэ “Белый слон” бириэмийэҕэ номинацияланна

Режиссер Дмитрий Давыдов «Пугало» киинэтэ кинокритика уонна кинопресса «Белый слон» бириэмийэтигэр номинацияланна. «Пугало» киинэ «Режиссер бастыҥ үлэтэ» (Дмитрий Давыдов) уонна «Дьахтар бастыҥ оруола» (Валентина Романова-Чыскыырай) анал ааттарга киирсэр. «Хара хаар» киинэ композитора Андрей Гурьянов бастыҥ музыка иһин бириэмийэҕэ номинацияланна. Кыайыылаахтар ааттарын муус устар 10 күнүгэр биллэриэхтэрэ. Национальнай бириэмийэни Арассыыйа киинэ...

Сонуннар | 17.03.2021 | 05:56

Биһиги пенсионердарбыт мэлдьи инники күөҥҥэ

Дьокуускайдааҕы Үһүс көлүөнэ оскуолатын курсистара, волонтёр-педагогтара Саха сиригэр ыытыллар норуот маастарын Күнүн чэрчитинэн бэйэлэрин оҥоһуктарын быыстапкалаан көрдөрдүлэр. Быыстапка Үһүс көлүөнэ оскуолатын директора П.Ю.Прядезникова көҕүлээһининэн тэрилиннэ. 203-с микрорайоҥҥа "Смарт" библиотека киэҥ-куоҥ актовай саалатыгар турбут быыстапка дьон-сэргэ болҕомтотун тарта. Аҕа саастаах куорат олохтоохторо сөҕүмэр үчүгэй оҥоһуктары, үлэлэри көрдөрдүлэр. Иһирэх ийэлэр, эйэҕэс эбээлэр...

Сонуннар | 15.03.2021 | 14:19

Полигоҥҥа баһаары умуруорар үлэ тохтообот

Бүлүү суолун 9 км баар сыбаалка полигонугар тахсыбыт баһаары умулларыы салҕанар. “Жилкомсервис” МУТ салайааччыта Валерия Билоус: “Полигоҥҥа күнүстэри-түүннэри уоту умулларар үлэ ыытыллар. 35 самосваллаах тиэхиньикэ үлэлиир. 2000 кубометр уоту саба кутар матырыйаал тиэлиннэ. Кулун тутар 14-15 күнүн түүнүгэр 2 булдьозер үлэлээтэ. Бүгүн өссө “Якутлесресурс” булдьозера көмөҕө кэлиэхтээх”. Баһылык э.т. Роман...

Сонуннар | 15.03.2021 | 13:55

Хааччахтааһыннар кулун тутар 31 күнүгэр диэри уһаатылар

Өрөспүүбүлүкэтээҕи суһал штаб иһитиннэрбитинэн, коронавирус тарҕаныытын уодьуганныыр хааччахтааһыннар 2021 сыл кулун тутар 31 күнүгэр диэри уһаатылар. Маны тэҥэ, 65-тэн аҕа саастаах уонна хроническай ыарыылаах дьоҥҥо хааччахтааһын миэрэлэрэ уруккуларынан хаалаллар. Ол эрэн сүрүн өрөспүүбүлүкэтээҕи уонна улуустааҕы тэрээһиннэри, конференциялары, форумнары, култуурунай уонна сырдатар тэрээһиннэри ыытыы көҥүллэнэр. Киинэ театрдарыгар, театрдарга уонна кэнсиэрдиир саалаларга...

Сонуннар | 15.03.2021 | 09:45

Дьокуускай - "Тотальнай диктант" киинэ буолуоҕа

“Тотальнай диктант-2021” ыытыллар киин куоратынан Дьокуускай буолуоҕа. Быйылгы диктант тиэкиһин ааптара – Дмитрий Глуховскай. “Суруйааччы Дьокуускайга муус устар 10 күнүгэр кэлиэҕэ, диктант ыытыллар балаһааккаларыттан биирдэстэригэр бэйэтин тиэкиһин ааҕыаҕа”, - диэн ХИФУ-ка иһитиннэрэллэр. Арассыыйа дьоно барыта кыттар диктаныгар Дьокуускайы киин куорат оҥорор туһунан сайаапканы ХИФУ филологическай факультета түһэрбитэ. “Тотальнай диктант” –...

Сонуннар | 14.03.2021 | 15:20

Туймаада Ыһыаҕар бэлэмнэнии саҕаланна

Туймаада Ыһыаҕа быйыл бэс ыйын 26-27 күннэригэр ыытыллыаҕа. Бээтинсэҕэ аһылык солбуйааччыта Роман Сорокин кыттыыллаах Тэрийэр кэмитиэт бастакы мунньаҕа буолан ааста. Былырыын пандемия сылыгар Ыһыах онлайн ньыманан ыытыллыбыта. Быйылгы Ыһыах бары харыстанар ньымалары туһанан туран ыытыллыахтаах. Ыһыах сүрүн режиссерунан РФ Култууратын үтүөлээх үлэһитэ Афанасий Федоров, туруорааччы режиссерунан Култуура туйгуна Наталья Кралина...

Сонуннар | 14.03.2021 | 14:48

Мархаҕа ыраастааһын үлэтэ күүһүрэр

Марха микрооройуонугар толору хааччыллыыта суох олорор дьиэлэр тастарыгар субуотунньук буолан ааста. Коммунальщиктар тоҥон турар бөх кутуллар дьаамаларын уулларан ыраастаатылар. Марха администрацията иһитиннэрбитинэн, “Жилкомсервис” уонна “Теплоэнергия” 2 паардыыр массыыналара үлэлээтилэр. Үлэ бастакы түһүмэҕин “Теплоэнергия” тиэхиньикэтэ Комаров уул., 4, 8, 12, Заводской уул., 3, ул. Экспериментальнай уул., 8, «Лидер плюс» Салайар хампаанньа...

Сонуннар | 12.03.2021 | 12:32

Үүннүлэр күүтүүлээх түгэннэр

Көҥүл тустууга бастакы олимпийскай чемпиоммут Роман Дмитриев төрөөбүт күнүгэр, кини пааматынньыгар сибэкки дьөрбөтө уурулунна. Аны 202-с микрооройуоҥҥа даамба кытылын ландшафтнай киэргэтиитэ улуу тустуукпутугар ананан оҥоһуллуо. Бүгүҥҥэттэн Улан-Удэҕа Арассыыйа чемпионата саҕаланар. Итиннэ 20-тэн тахса бөҕөспүт кыттар. Беларусьтан Владислав Андреев, Ньургун Скрябин олимпийскай лицензия былдьаһа Будапешка бараллара быһаарылынна.

Сонуннар | 11.03.2021 | 07:42

Алтыс оптуобус сырыыта уларыйда

Киин куорат ытык-мааны олохтоохторо уонна ыалдьыттара! Олохтоох дьаһалта иһитиннэрэринэн, нэһилиэнньэ көрдөһүүтүнэн кулун тутар 6 күнүттэн 6-с нүөмэрдээх оптуобус сырыыта уларыйда. Ол курдук, алтыс маршрут Три Сосны уулуссаҕа киирэн тахсар буолуоҕа.

Сонуннар | 11.03.2021 | 07:41

Ураа! Икки саҥа каток!

Бу өрөбүллэргэ Дьокуускай куоракка икки саҥа каток үөрүүлээх аһыллыыта буолан ааста. Биирэ Култуура уонна сынньалаҥ пааркатыгар үлэлээтэ, иккиһэ – Гагаринскай уокурукка. Быйыл куорат паарката 80 сыллаах үбүлүөйүн бэлиэтиир. Онон 120 миэтэрэлээх саҥа каток дьоллоох Дьокуускай олохтоохторугар дьоһун бэлэх буолла. Бэйэҥ хаҥкылаах буоллаххына, киирии – 100 солк., прокат эмиэ үлэлиир. Маны...

Сонуннар | 11.03.2021 | 07:40

Строительнай уокурукка субуотунньук ыытыллар

Кулун тутар 10 күнүттэн Дьокуускай куорат Строительнай уокуругар улахан субуотунньук ыытыллар. Дьиэлэр тастарын, санитарнай туочукалары ыраастааһыҥҥа «ЯкутДорСтрой», «Теплоэнергия», «Жилкомсервис», «Якутскэкосети» тэрилтэлэр, “Юнион” салайар хампаанньа уонна үлэһиттэр кыттыстылар. Киэҥ далааһыннаах үлэ Пионерскай, Якутскай, Космонавтар, Семен Данилов уулуссаларыгар турар аадырыстары хабыаҕа. Хас биирдии кэрчиккэ таһаҕаһы тиэйэр уонна сүөкүүр 2 массыына, бөҕү ыраастыыр...

Сонуннар | 11.03.2021 | 07:39

Дьэллик ыттары тутар пуун 8 массыыналанна

Киин куоракка санитарнай ыраастааһын чэрчитинэн бэйдиэ сылдьар кыыллары быстах кэмҥэ тутар Пууҥҥа техническэй көмө оҥоһулунна. Ол курдук, тэрилтэ массыынанан уонна кыыллары тутар үлэһиттэринэн хааччылынна. Пуун 8 анал массыыналанна: 7 УАЗ уонна 1 «Газель». Дьэллик ыттары тутар тимир көлөлөр “Пункт передержки безнадзорных животных” диэн суруктаахтар, төлөпүөннэрин нүөмэрэ ыйыллыбыт. Күндү ааҕааччылар, 8-924-870-00-67...

Сонуннар | 11.03.2021 | 07:38

Суһал штаб бааннары уонна атыы-эргиэн кииннэрин бэрэбиэркэлээтэ

Дьокуускай куорат суһал штаба атыы-эргиэн, ас-үөл, сынньалаҥ, үөрэх, онтон да атын тэрилтэлэргэ санитарнай ирдэбил төһө тутуһулларын салгыы бэрэбиэркэлиир. Кулун тутар 1-5 күннэригэр 13 атыы-эргиэн эбийиэгэр уонна офиска рейдэ ыытылынна. Онтон иккитигэр кэһии баара бэлиэтэннэ, 1 боротокуол толорулунна, 4 сэрэтэр кэпсэтии ыытылынна. “Азиатскай-Тихоокеанскай баан” офиһыгар дезинфекция сурунаала суох, онон аакта оҥоһулунна. ...

Сонуннар | 11.03.2021 | 07:37

Көрдөөх тэрээһиннэргэ көхтөөхтүк кыттыҥ!

Киин куоракка “Широкая Масленица” диэн норуот күүлэйин тэрээһиннэрэ кулун тутар 8-14 күннэригэр ыытыллыахтара. Кыһыны атаарыы көрдөөх-нардаах бырааһынньыга быйыл биллэр биричиинэнэн онлайн көрүҥҥэ көстө. Бу күннэргэ Дьокуускай куорат уокуругун култууратын тэрилтэлэрэ араас куонкурустары, викториналары, быыстапкалары, оонньуулары биллэрдилэр. Бырааһынньыктааҕы бырагыраама киэҥ. Дьон-сэргэ маастар-кылаастарга кыттыаҕа, оонньоон-көрүлээн, ыллаан-туойан сэргэхсийиэҕэ. Култуура дьиэлэрэ, библиотекалар, кииннэр норуот...

Сонуннар | 11.03.2021 | 07:35

Дьокуускайга саҥа сквердэр тутуллуохтара

СӨ үбүн министиэристибэтэ Олохтоох көҕүлээһиннэри өйүүр бырагыраама чэрчитинэн куораты тупсарыыга 10 бастыҥ бырайыакка 3 мөлүйүөн солкуобайга тиийэ субсидия көрүөҕэ. Маныаха барыта 26 мөлүйүөн солкуобай тыырыллыаҕа. Автодорожнай, Киин уокуруктар уонна Табаҕа сэлиэнньэтин сайаапкалара сүүмэрдээһини ситиһиилээхтик аастылар. “МЭР-2020” дьыалабыай оонньуу кыайыылаахтара Автодорожнай уокурукка ыччат скверин тутуутун көҕүлүүр бырайыактара куорат салалтатын үрдүк сыанабылын...

Сонуннар | 10.03.2021 | 13:18

Кыһыҥҥы спартакиада сөргүтүллэр

Маассабай спорт уонна физическэй култуура управлениетын пресс-сулууспата иһитиннэрбитинэн, кулун тутар 25-тэн муус устар 11 күнүгэр диэри спорт кыһыҥҥы көрүҥнэрин спартакиадатын өрөспүүбүлүкэ үс куоратыгар сөргүтүөхтэрэ. Күрэхтэһии 2020 сылга түмүктэниэхтээҕэ, эпидемиологическай балаһыанньанан 2021 сылга көһөрбүттэрэ. Былырыын икки спорт көрүҥнэрэ — хотугу многоборье уонна шорт-трек күрэхтэһиилэрэ ыытыллыбыттара. Ол түмүктэрэ быйылгы спартакиада зачетугар барыахтара....

Сонуннар | 10.03.2021 | 13:17

Сааскы үлэ оргуйар

Дьокуускайга сааскы халааны сэрэтии үлэтэ саҕаланна – “Якутдорстрой” Рыдзинскай – Пекарскай, Тимирязев – Л.Чайкина уулуссаларга ууну аһардар турбалары тимирдии үлэтин ыытар. Маны таһынан Ильменскэй, Парковай уулуссалартан хаары тиэйии, лотуоктары ыраастааһын бара турар. Кулун тутар 9 күнүнээҕи туругунан, “Якутдорстрой” араас кыамталаах тиэхиньикэтэ уонна үлэһиттэрэ Ойуунускай, П.Алексеев, Можайскай, Уустаах Избеков, Мерзлотнай уулуссаларга,...