"Звезднай" түөлбэҕэ саҥа оскуола 78% бэлэм буолла

«Звезднай» түөлбэҕэ тутулла турар 990 миэстэлээх аныгы оскуола тутуута 78% бэлэм буолбутун туһунан иһитиннэрэллэр. Эбийиэккэ икки аактабай саала, 500 миэстэлээх остолобуой, спортивнай саала уонна үлэлииргэ аналлаах мастарыскыайдар баар буолуохтара. Оскуолаҕа «Звезднай», Птицефабрика, ДСК уонна Покровскайдыыр суол оҕолоро үөрэниэхтэрэ.

Маны таһынан куоракка доруобуйаларынан хааччахтаах оҕолорго Адаптивнай үөрэх комплекса тутуллар. Манна 315 миэстэлээх уһуйаан уонна 150 миэстэлээх интэринээт киирэллэр. Бүгүҥҥү күҥҥэ истиэнэни ууруу, түннүктэри туруоруу уонна ситими тардыы үлэтэ бара турар. Бэлэм – 35 %.

Бу икки бөдөҥ эбийиэги 2026 сылга үлэҕэ киллэриэхтэрэ.