ЖКУ уонна олорор дьиэ төлөбүрүгэр субсидияны ылыы бэрээдэгэ уларыйда

Чопчута, бу дьыл ахсынньы 25 күнүттэн саҕалаан субсидияны туруорсар сайабылыанньаны электроннай көрүҥүнэн Судаарыстыбаннай өҥө порталын нөҥүө ыытарга хайаан да кылаастаах (квалифицированнай) эбэтэр кылааһа да суох буоллар, булгуччу күүһүрдүллүбүт электроннай илии баттааһын ирдэнэр буолбут. 
Өскөтүн сайаапкалаһааччы ирдэнэр докумуоннарын итэҕэс ыыппыт эбэтэр онтугар дьиҥэ суох иһитиннэриини биэрбит түгэнигэр, боломуочуйалаах уорган оннук сайабылыанньаны 10 үлэ күнүгэр тохтотор (күүттэрэр) бырааптаах. Ити кэм иһигэр итэҕэс, сыыһалаах докумуоҥҥун силигин ситэрэр, көннөрөр кыах бэриллэр.
*Манна даҕатан эттэххэ, итиннэ этиллэр электроннай илии баттааһыны суотабайга хачайданар анал "Госключ" сыһыарыы көмөтүнэн кыраныысса таһыгар сылдьар пааспары туһанан оҥостуохха сөп. Эбэтэр МФЦ-га сирэй тиийэн, сайабылыанньа суруйан, исписэлиис көмөтүнэн “загранпааспарга” курдук “көмүскэллээх” хаартыскаҕа түһэн, бигэргэттэриэххэ сөп. 
Аны, ол “күлүүс” куодун атын, туора дьон булан, бэйэлэрин интэриэһигэр туттан, бэйэҕин отоойкоҕо олордубаттарын туһугар “кистэлэҥ сиргэ” тутуохха наада. Быһата, МФЦ исписэлиистэриттэн сүбэлэтэн баран, оҥотторор ордук.