Залог чалбаҕар кустары көрүөххэ сөп

Ол маннык буолбут. Хаһаайын биир сарсыарда күүлэтин аанын тэлэччи аспыта, тиэргэҥҥэ баар чалбаҕын далаһатыгар арай тыһылаах атыыр көҕөн олороллор үһү. Түүнү быһа бүччүм сиргэ аһаан-сиэн топпут кустар, нуктуу олорон, тыастан моонньуларын уһата да түстэллэр, тута көтөн тахсыбатахтар. Дьиэлээх хаһаайын эмиэ тиэргэнин иһигэр айылҕа көтөрдөрө сарсыардааҥҥы ыалдьыттарынан буолуохтара диэн өйүгэр да оҕустарбатах буолан, икки өттүттэн көрсөн турбуттар.
Нөҥүө сарсыардатыгар эмиэ бэҕэһээҥҥи хатыламмыт. Бу сырыыга далаһа атын өттүгэр олороллор үһү. Кустара эмиэ бастаан соһуйан олоро түспүттэр, онтон кынаттаахтар кыырай халлааҥҥа өрө уһууран тахсан, Күөх Хонуу диэки көтө турбуттар.

Ханнык баҕарар остуоруйаҕа туох барыта үс төгүллээх буоларыныы, бу сырыыга эрдэттэн хаартыскаҕа түһэрэрдии бэлэмнэнэн тахсыбыт. Ол эрээри үһүс күнүгэр көҕөннөр оннугар чөркөөкү кэлэн, бэрт наҕыллык куорат дьиэтин тиэргэнигэр хаама сылдьыбыт. Хаһаайын дьиктиргээбэтэх даҕаны. Ол эрээри дьикти түгэни хаартыскаҕа хатаабыт.
Соҕурууттан кэлбит кустарбытын ыал тэлгэһэтигэр, куорат ортотугар көрүөххэ эмиэ сөп эбит.