«Ытык Сир» пааркаҕа балаҕан тутуллуоҕа

Манна кэнэҕэһин нэһилиэнньэ сынньанарыгар табыгастаах усулуобуйа тэриллиэхтээх. Бырайыак сүрүн сүбэһитинэн биллиилээх алгысчыт Афанасий Федоров буолар. Оттон тутууну ыытыыга өрөспүүбүлүкэ биллэр маастардара Дмитрий Постников, Николай Чоччасов, Егор Степанов, о.д.а. үлэлэһэллэр.

Бүгүҥҥү күҥҥэ манна алгысчыт, күнү көрсөр оҕолор, сыспай сиэллээхтэр уобарастара номнуо чочуллан турар.

Аны сааскыттан, халлаан сылыйдаҕына, салгыы спорт, тренажер былаһааккаларын туруоруу салҕаныаҕа.

Куорат саҥа уопсастыбаннай туонатын тэрийии хаамыытын баһылык Евгений Григорьев билсэн баран: «Тутуу бастакы түһүмэҕэ быйыл саҕаланна. Манна күнү көрсүү сиэрэ-туома ыытылларынан, маастардар үйэлээх үгэстэри тутуһан оҥордулар. Куорат аҕам саастаахтара салгыы саха балаҕанын туруорар баҕалаахтар», — диэн инники былааны үллэһиннэ. Ол туһунан Олохтоох дьаһалта пресс-сулууспата иһитиннэрэр.