Ыстараап кээмэйэ ботуччу

Куорат уопсай планеркатыгар ИДьМ бэрэстэбиитэлэ иһитиннэрбитинэн, нэдиэлэ устата Дьокуускайга сокуону кэһэн туран арыгыны атыылааһын 5 түбэлтэтэ тахсыбыт. Онтон үһэ – куорат баһылыга Евгений Григорьев ВКонтакте https://vk.com/wall710173374_13407 страницатыгар киирбит суһал иһитиннэриинэн бэрэбиэркэ ыытыллыбытын түмүгэр.

Сокуону кэһии бары түбэлтэтигэр боротокуол толорулунна, атыыһыттарга ыстараап кээмэйэ – 30-50 тыһ. солк. Манна даҕатан эттэххэ, юридическай сирэйдэргэ ыстараап кээмэйэ ботуччу.

Ону таһынан, арыгынан эргинэр тэрилтэлэр санитарнай туруктарын бэрэбиэркэлиир үлэ түмүгүнэн административнай сокуону кэһии туһунан үс боротокуол толорулунна.

Административнай хамыыһыйа мунньаҕар бу иннинэ оҥоһуллубут 6 боротокуол түмүгүнэн куоракка арыгы бородууксуйатын атыылыыр тэрилтэлэргэ уопсайа 360 тыһ.солк. суумалаах ыстараап түһэриллибит, 1 сэрэтии бэриллибит.

Туһааннаах үлэ салҕанар.