«Өйдөөх» поликлиникаҕа кытыы нэһилиэктэр сыһыарылыннылар

Саҥа поликлиникаҕа дьахтар консультацията, улахан дьон, оҕо балыыһалара, лучевой диагностика, онкологическай көмө киинэ, суһал көмө отделениета барыта баар. Эпэрээссийэ оҥорор, анаалыс диагностикалыыр лаборатория, күнүскү стационар, стоматология кабинеттара, о.д.а. тыын суолталаах көмө кабинета барыта биир сиргэ түмүллүбүтэ – диагностика, эмтээһин, реабилитация – аныгы медицинскэй оборудованиенан толору хааччыллыы түмүгэ.

Инникитин диализ киинэ, видеоэнцефалография уонна харах кабинеттара, амбулаторнай хирургия, о.д.а. арыллара күүтүллэр.

Санатар буоллахха, «өйдөөх» поликлиника ааспыт сыл сэтинньи ыйыгар Гагарин уокуругар куорат 2 №-дээх балыыһатын тиэргэнигэр Севастопольскай уулуссаҕа үлэҕэ киирбитэ.

Хаартыска: Доруобуйа харыстабылын миниистирэ Лена Афанасьева уонна Дьокуускай куорат 2 №-дээх балыыһатын кылаабынай бырааһа Саргылана Васильева поликлиниканы суруналыыстарга билиһиннэрдилэр.

Симиэнэҕэ 600 киһини көрөр кыамталаах SMART-поликлиника куорат хоту эҥэринээҕи кытыы нэһилиэктэр суоттарыгар 55 тыһыынчаҕа тиийэ киһини хабар кыахха тахсар кэскиллээх.

Зоя Игнатьева матырыйаалынан

Хаартыска: Ааптар уонна Доруобуйа харыстабылын министиэристибэтин пресс-сулууспата