Ыччат палаататын салалтатыгар – уларыйыы
Онон кини оннугар бу иннинэ өрөспүүбүлүкэ бастыҥ сүбэтин быһыытынан сыаналанар СӨ УФНС-ка Ыччат сүбэтин салайбыт Василий Петров ананна. Кини бэйэтин тустаах үлэтэ – Федеральнай Нолуок сулууспатын Саха сиринээҕи Управлениетын салаатыгар начаалынньыгы солбуйааччы.
Ону тэҥэ бэрэссэдээтэли солбуйааччылар эмиэ уларыйбыттар. Ол курдук, биир солбуйааччынан Үп министиэристибэтин Казначействотын үлэһитэ Егор Егоровы талбыттар. Егор аттестациялаах быыһааччы, юриспруденция уонна үп, кирэдьиит магистра. Эрдэ Үлэ уонна социальнай сайдыы министиэристибэтигэр Ыччат сүбэтин салайбыт уонна судаарыстыба эдэр сулууспалаахтарын Сүрүннүүр сүбэтигэр үлэлэспит уопуттаах. V ыҥырыылаах Ыччат палаататыгар Урбаан бастайааннай хамыыһыйатыгар бэрэссэдээтэллээбит.
Бэрэссэдээтэл солбуйааччытынан анаммыт Корякин Валентин ХИФУ юридическай факультетын бүтэрбит, урбаанньыт, уопуттаах салайааччы. МФЦ-га материальнай-тэхиньиичэскэй хааччыйыы отделын салайааччынан уонна «ЖКХ сервисстрой» ХЭУ толорооччу дириэктэринэн үлэлии сылдьыбыт. 2024 сылтан – Куорат Дууматын иһинэн Ыччат уопсастыбаннай палаататын куорат эйгэтигэр хамыыһыйатын бэрэссэдээтэлэ.
Ыччат палаататын пресс-сулууспата саҥа анаммыт бастыҥ уопсастыбанньык уолаттары уопуттаах, көхтөөх салайааччы быһыытынан сыаналаан туран, таһаарыылаахтык үлэлиэхтэрэ диэн эрэнэрин үллэстибит.
Сонуннар
Ордук ааҕаллар
