"ЯПАК" МУТ: 25 үлэ миэстэтэ баар

Кулун тутар 14 күнүгэр Дьокуускайдааҕы нэһилиэнньэ дьарыктаах буолуутун киинэ уонна "ЯПАК" МУТ оптуобус суоппарыгар үөрэниэн уонна  тэрилтэҕэ суоппарынан үлэлии киириэн баҕалаахтарга экскурсиялатар профтуру ыыттылар.

Экскурсия кыттыылаахтарыгар дьону тиэйэр хампаанньа тэриллибит, сайдан кэлбит историятын сырдаттылар. Оптуобус суоппарын үлэтэ туох сүрүн уратылааҕын, тэрилтэ инники сайдар саҕахтарын кэпсээтилэр.Ону тэҥэ тэрилтэҕэ баар үлэ миэстэтин, усулуобуйатын, хамнаһын билиһиннэрдилэр, мэктиэлэнэр социальнай өйөбүллэр тустарынан кэпсээтилэр.

Экскурсияҕа уопсайа 17 киһи кытынна. Онтон 3-һэ үлэҕэ кэпсэтиини ааста, 4 кыттааччы саҥалыы бэлэмниир кууруһу ааһарга суруйтарда.

"ЯПАК" МУТ иһитиннэрэринэн тэрилтэҕэ күн бүгүн 25 үлэ миэстэтэ баар. Ол курдук нэһилиэнньэ дьарыктаах буолуутун киинигэр бэлиэтээн эппиттэринэн тэрилтэҕэ "Д" категориялаах суоппардар, экэнэмиис, автосилиэсэр, автомэхээнньик уонна авотырааныспары сууйааччы ирдэнэллэр.

Хаартыска: СӨ Ил Дарханын уонна Бырабыыталыстыбатын пресс-сулууспата