Ыам ыйынааҕы төлөбүрдэри болдьоҕун иннинэ биэриэхтэрэ

“Сорох биэнсийэлээхтэр ыам ыйын төлөбүрдэрин эрдэ — муус устарга ылыахтара. Бу уруккуттан олохтоммут үгэс: төлөбүр күнэ бырааһынньыкка эбэтэр субуотаҕа түбэстэҕинэ, үп эрдэттэн ыытыллар, — диэн дьокутаат эттэ.

Панеш быһаарбытынан, ыам ыйын 1-5 күннэригэр баан көһөрүүтүнэн төлөбүрдэрин ылар биэнсийэлээхтэргэ үбү эрдэ ыытыахтара. Ыам ыйын 1 күнэ бырааһынньык күн буоларын быһыытынан, муус устар 30 күнүгэр диэри үп кинилэр счеттарыгар киириэҕэ. “Арассыыйа почтата” нөҥүө ылар биэнсийэлээхтэр ыам ыйынааҕы төлөбүрдэрин ыам ыйын 3 күнүттэн ылыахтара, дьиэлэригэр эбэтэр почта салаатын каассатыгар. Биэнсийэни атын күннэргэ ылааччылар (холобур, ыам ыйын 8, 9, эбэтэр 10 күннэрэ), өрөбүл күннэри учуоттаан, төлөбүрдэрин эмиэ ылыахтара.

Дьокутаат чуолкайдаабытынан, биэнсийэни эрэ буолбакка, атын социальнай төлөбүрдэри эмиэ эрдэ ыытыахтарын сөп.