Ыам ыйын 28 күнүгэр анал байыаннай дьайыы кыттыылаахтарыгар сир учаастагын салгыы тыырыахтара

Учаастагы талар сэрэбиэйгэ 2024 сыл балаҕан ыйын 10 күнүттэн 26 күнүгэр диэри учуокка турбут 50 киһи ыҥырыллыбыт. Тыырыллар учаастактар Тулагы уонна Табаҕа эргин бааллар. Бары ыҥырыылаахтарга иһитиннэриилэр ыытыллыбыттар.

Сэрэбиэй ыытыллар сирэ: Дьокуускай к., Октябрьскай уул., 20/1,  3 этээс, 303 кабинет.
Бириэмэтэ: 09.00-12.00 чч.

Бэлиэтээн эттэххэ, анал байыаннай дьайыы кыттыылаахтарыгар босхо сир учаастагын талларыы Дьокуускай куорат Олохтоох дьаһалтатын 19.12.2024 с. 2518р №-дээх «Об утверждении Порядка организации и проведения выбора земельных участков лицам, принимавшим участие в специальной военной операции на территориях Украины, Донецкой Народной Республики и Луганской Народной Республики с 24 февраля 2022 года, на территориях Запорожской области и Херсонской области с 30 сентября 2022 года» дьаһалыгар олоҕурар.

Бэлиэтээн эттэххэ, бырагырааманы олоххо киллэрии чэрчитинэн анал байыаннай дьайыы кыттыылаахтарыгар Таба5а5а уонна Киллэмҥэ тыһыынчаттан тахса босхо сир учаастага бэрилиннэ.

Босхо сир учаастагын боппуруоһунан сиһилии билсэргэ: Дьокуускай к., Октябрьскай уул., 20/1, 311 каб., хас сэрэдэ аайы 14.00 -17.00 чч.

Эрдэ суруйбуппут курдук, ыам ыйын 5 күнүттэн сир ыларга учуокка турар сайабылыанньаны «Е-Якутия» диэн эрэгийиэннээҕи портал нөҥүө тутуу тохтоон, Госуслуги порталга көспүтэ.

Ол курдук, Дьокуускай куорат Олохтоох дьаһалтатын Сир уонна баай-дуол сыһыаннаһыыларыгар департамена мантан инньэ сир ылыан баҕалаахтартан сайабылыанньаны тутуу биир кэлим платформаҕа көһөрүн иһитиннэрэн турар.

Быһаарыы сири докумуоннатыы, суруйтарыы түргэн уонна аһаҕас буоларын наадатыгар  ылыллыбыт.