Ыам ыйын 17 күнүгэр тэлэбиидэнньэ башнята уот кыһыл уотунан умайыаҕа

Бу күнү аан бастаан 1983 сыллаахха Сан-Францискоҕа (АХШ) бэлиэтээбиттэрэ. 1991 сыллаахха худуоһунньук Фрэнк Мур бу күҥҥэ анал бэлиэ уруһуйдаабыта – кыһыл лиэнтэ.

Саха сиригэр бу күнүнэн быйыл «Скажи нет стигматизации» диэн ааттаах декада ыытыллыаҕа. Бу чэрчитинэн СПИД ыарыыны кытта охсуһууга уонна сэрэтиигэ киин кэккэ тэрээһиннэри былаанныыр.

Ол курдук, тэлэбиидэнньэнэн уонна араадьыйанан анал биэриилэр буолуохтара, үөрэх кыһаларыгар, үлэ тэрилтэлэригэр идэлээх исписэлиистэр лиэксийэлэрэ ыытыллыаҕа, доруобуйа харыстабылын үлэһиттэрин ортотугар КВИЗтэр буолуохтара.

Ыам ыйын 17 күнүгэр киэһэ 22.00 чаастан 23.00 чааска диэри тэлэбиидэнньэ башнята уот кыһыл уотунан умайыаҕа.

Дьокуускай куорат олохтоохторо уонна ыалдьыттара ыам ыйын 21-22 күннэригэр босхо анонимнай экспресс-тест оҥорторор кыахтаахтар: « Туймаада» атыы-эргиэн дьиэтэ, 15.00 - 20.00 чч.).

Маны сэргэ суһал лииньийэлэр үлэлииллэр:

• 8-924-171-01-25

• 8 (4112) 31-92-71

Сиһилии информацияны https://stopaids.mzsakha.ru ылыахха сөп.

СПИД ыарыыны кытта охсуһууга уонна сэрэтиигэ киин исписэлиистэрэ ыытыллар декадаҕа көхтөөх кыттыыны ыларга ыҥыраллар.