«Якутдорстрой» АУо үлэтин тула мунньахтаатылар
Ол төрүөтүнэн Саха сиринээҕи «Норуот фрона» көтөхпүт боппуруоһа буолбут. Ол курдук, «Норуот фрона» уопсастыьннай хамсааһын регионнааҕы салаатын хос бэрэссэдээтэлэ Алексей Лаптев нэһилиэнньэттэн «Якутдорстрой» АУо үлэтигэр-хамнаһыгар үҥсүүлэр киирэллэрин ыйбыт. Алексей Лаптев итини сэргэ тэрилтэ тиэхиньикэтин паарката эргэрбитин ыйбыт.
«Якутдорстрой» АУо генеральнай дириэктэрэ Александр Егоров иһитиннэрбитинэн, 2030 сылга диэри төһө уонна ханнык тиэхиньи ирдэнэрэ быһаарыллыбыт, бүгүҥҥү сорук – бастакы уочарат ирдэнэри чопчулааһын. Хаары тиэйии, суол үлэтин үбүлээһин уонна тэрилтэ уопсай үлэтин-хамнаһын туһунан боппуруостары эмиэ көрбүттэр.
Мунньахха Куорат хаһаайыстыбатыгар уонна экологияҕа сис кэмитиэт бэрэссэдээтэлин солбуйааччы Владислав Парфенов, хамыыһыйа чилиэннэрэ Ньургун Ефремов уонна Александр Северьянов, маны сэргэ Олохтоох дьаһалта салайааччылара кыттыыны ыллылар. Бу туһунан Куорат дууматын прес-сулууспата иһитиннэрэр.
Бэлиэтээн эттэххэ, Куорат дууматын хаһаайыстыбаҕа уонна экологияҕа хамыыһыйатын Андрей Лебедев салайар, хамыыһыйаҕа мунньахха кыттыбыт дьокутааттартан ураты Наталья Луковцева баар.
Сонуннар
Ордук ааҕаллар
