Өйөбүл миэрэлэр салҕаналлар

Ол туһунан Арассыыйа Социальнай пуондатын эрэгийиэннээҕи салаатын оҕолоох дьиэ кэргэттэри хааччыйар управлениетын салайааччытын солбуйааччы Вадим Максимов сиһилии быһаарда.

“Санаторнай-курортнай эмтээһин болдьоҕо 21 күҥҥэ диэри уонна сылга биирдэ оҥоһуллар. Медицинскэй реабилитация болдьоҕо уонна ыытыллыыта медицинскэй көрдөрүүлэргэ олоҕуран быһаарыллар. СВО кыттыылаахтара Астрахань, Владимир, Волгоград, Кемерово, Киров, Омскай, Томскай, Москва, Тюмень уобаластарыгар, Хакасия Өрөспүүбүлүкэтигэр уонна Краснодарскай кыраайга баар пуонда 12 реабилитационнай киинигэр эмтэниэхтэрин сөп. 2026 сылтан саҕалаан бэтэрээннэр санаторнай-курортнай эмтэниигэ уонна медицинскэй реабилитацияҕа баралларыгар босхо айан толуоннара эмиэ бэриллэр. «Социальнай пуонда кииннэригэр айан билиэттэрэ бары көрүҥнэргэ, ол иһигэр поездка, сөмөлүөккэ, оптуобуска, уу суднотугар көрүллүбүттэр», — диэн Вадим Максимов этэр.