Windows 11 олордор судургутуйуо дииллэр

Microsoft корпорация бэйэтин туһанааччыларыгар Windows 11 саҥардыыны (обновлениетын) кэлэр өттүгэр биллэ судургутутарга быһаарбыт. Бу туһунан ZDNet таһаарыыга тирэҕирэн, Лента.ру суруйар.

Бастатан туран, биир үчүгэйэ – апдейт олордуутун (установкатын) бастаан утаа 35 күҥҥэ, онтон салгыы уһаттар-уһатан иһиэххэ сөп буолар үһү. Ону таһынан саҥардыы уонна патчтар ааттара судургутуйуо.  Саҥа киирэр функциялар чопчу туох сонуну-саҥаны киллэллэрин дьэҥкэтик быһаарар буолуохтара.

Биир суолталаах функция – хаттаан холбооһуну (перезагрузканы) көтүтэн эриэххэ сөп буолар. Холобур, билигин Windows саҥардыллыыта хачайданан саҕаланна да, тиһэҕэр диэри күүтүөххүн, онтон арааран баран, хаттаан хачайдаан, быһата, обновлениены хайаан да тиһэҕэр диэри тиэрдиэххин наада. Оттон мантан инньэ, ити этэллэрэ олоххо киирдэҕинэ, холобур, ыксыыр буоллахха, хачайдааһыны тохтотон, кэлин салгыыр гына уларытар кыах баар буолар. Көмпүүтэри араараргар операционнай тиһик билиҥҥи курдук апдейт хачайданарын күүттэрэ сатыа суоҕа.

Билигин саҥа көмпүүтэри атыылаһан баран аан бастаан настройкалыыргар Windows тута актуальнай саҥардыллыыны олордору ирдиир. Ити быраабыланы эмиэ тохтоторго быһаарбыттар. Ол эбэтэр, туһанааччы саҥардыллыбыт апдейты хаһан хачайдыырын бэйэтэ быһаарар буолар.

Суруналыыстар тоҕо бу саҥа Windows 11 олус элбэх миэстэни ыларын, ыйааһыннааҕын, биллэн турар, ыйыппыттар.  Төрүөтэ –  бу биир актуальнай обновлениеҕа иннинээҕи апдейтар киирэ сылдьаллар.

Microsoft корпорация бэйэтин туһанааччыларыгар Windows 11 саҥардыыны (обновлениетын) кэлэр өттүгэр биллэ судургутутарга быһаарбыт. Бу туһунан ZDNet таһаарыыга тирэҕирэн, Лента.ру суруйар.

Бастатан туран, биир үчүгэйэ – апдейт олордуутун (установкатын) бастаан утаа 35 күҥҥэ, онтон салгыы уһаттар-уһатан иһиэххэ сөп буолар үһү. Ону таһынан саҥардыы уонна патчтар ааттара судургутуйуо.  Саҥа киирэр функциялар чопчу туох сонуну-саҥаны киллэллэрин дьэҥкэтик быһаарар буолуохтара.

Биир суолталаах функция – хаттаан холбооһуну (перезагрузканы) көтүтэн эриэххэ сөп буолар. Холобур, билигин Windows саҥардыллыыта хачайданан саҕаланна да, тиһэҕэр диэри күүтүөххүн, онтон арааран баран, хаттаан хачайдаан, быһата, обновлениены хайаан да тиһэҕэр диэри тиэрдиэххин наада. Оттон мантан инньэ, ити этэллэрэ олоххо киирдэҕинэ, холобур, ыксыыр буоллахха, хачайдааһыны тохтотон, кэлин салгыыр гына уларытар кыах баар буолар. Көмпүүтэри араараргар операционнай тиһик билиҥҥи курдук апдейт хачайданарын күүттэрэ сатыа суоҕа.

Билигин саҥа көмпүүтэри атыылаһан баран аан бастаан настройкалыыргар Windows тута актуальнай саҥардыыны олордору ирдиир. Ити табыгаһа суох быраабыланы эмиэ тохтоторго быһаарбыттар. Ол эбэтэр, туһанааччы саҥардыллыбыт апдейты хаһан хачайдыырын бэйэтэ быһаарар буолар.

Суруналыыстар тоҕо бу саҥа Windows 11 олус элбэх миэстэни ыларын, ыйааһыннааҕын, биллэн турар, ыйыппыттар.  Төрүөтэ –  бу биир актуальнай обновлениеҕа иннинээҕи апдейтар киирэ сылдьаллар.