"Вызов Севера" бастыҥ боксердар күрэхтэһиэхтэрэ

Рингэҕэ Арассыыйа, Узбекистан, Филиппины, Конго уонна Иран бэрэстэбиитэллэрэ тахсыахтара.

Турниры Артём Шульц (Алтайскай кыраай) уонна Всеволод Гвоздеев (Краснодарскай кыраай) киирсиилэрэ арыйыаҕа. Түөрт раундтан турар киирсии 71 кг диэри категорияҕа ыытыллар.

Саха боксера Петр Васильев уонна уопуттаах Узбекистан спортсмена Нодирбек Соибов күөн көрсүөхтэрэ. Нодирбек 12 кыайыылаах, 4 хотторуулаах. Манна 6 раунд киирсэллэрэ күүтүллэр. Узбекистан боксера дойдутугар биир чулуулара буолар.

Үһүс киирсиигэ Ашкан Резаи (Иран, биир кыайыылаах, хотторуута суох) уонна Карен Соловьев (Сочи, 2 кыайыылаах, хотторуута суох) рингэҕэ тахсыахтара.

Төрдүс киирсиинэн уопуттаах Муджибилло Турсунов (Узбекистан, тоҕус кыайыылаах, биир хотторуулаах) уонна Павел Федоров (Ивановскай уобалас, 4 кыайыылаах, хотторуута суох).

Бэһис киирсиигэ саха боксера Михаил Варламов (8 кыайыылаах) уонна Филиппины чемпиона Майкл Касама (11 кыайыылаах, 4 хотторуулаах уонна 1 тэҥнэһиилээх).

Конготтан Майкл Кинг Красноярскай уола Александр Хохлову утары киирсиэҕэ.