Выпускниктар чопчу наукалары талаллар

Саха сиригэр 2025 сыллаахха оскуоланы бүтэрбити туоһулуур аттестацияны 23 тыһыынчаттан тахса киһи ааһа сылдьар. Ил Дархан Айсен Николаев бэлиэтээбитинэн, кэлиҥҥи сылларга выпускниктар чопчу наукаларга болҕомто уурар буоллулар. 
«Математика уонна информатика предметтэрэ ордук болҕомтонон туһанар буоллулар. Ол эбэтэр выпукниктар инники олохторун инженерия, тиэхиньикэ, сыыппара эйгэтин кытта ситимниир бигэ былааннаахтар. Саха Өрөспүүбүлүкэтэ чуолаан маннык идэлээх исписэлиистэргэ наадыйар», – диир Ил Дархан.
Санатар буоллахха, быйыл БКЭ 8505 киһи туттарарыттан 8112 – быйыл оскуоланы бүтэрээччилэр. Кинилэртэн 2549 выпускник профильнай математика предметин талбыт, 1389 үөрэнээччи – информатиканы.
ОГЭ эксээмэннэрин 14 865 оҕо туттарар, манна эмиэ баһыйар өттө информатика эксээмэнин талбыт – 6202.
Оскуоланы бүтэрэр ситии-хотуу аттестатын ылар эксээмэннэри ыытарга өрөспүүбүлүкэ үрдүнэн 230 БКЭ, 320 ОГЭ пууннара тэриллэн үлэлии тураллар. Эксээмэннэр сөптөөхтүк баралларын 2748 уопсастыбаннай кэтээн көрөөччү хонтуруоллуур.
2022 сылтан Саха Өрөспүүбүлүкэтигэр дьоҕурдаах оҕолору өйүүр бырагыраама үлэлиир, ол иитинэн 70 выпускник БКЭ муҥутуур үрдүк баалы ылбытын иһин 100 тыһ. солк. кээмэйдээх харчынан биһирэнэн турар, диэн Ил Дархан уонна Бырабыыталыстыа пресс-сулууспата иһитиннэрэр.