Волонтердар көмөлөрө тохтообот

Ол туһунан ыччат миниистирин бастакы солбуйааччы Аида Антонова суруналыыстарга иһитиннэрдэ. 

Бүтүн Арассыыйатааҕы #МЫВМЕСТЕ бэйэ-бэйэҕэ көмөлөсүһүү аахсыйа анал байыаннай дьайыы саҕаланыаҕыттан баар буолбута. Байыаннай сулууспалаахтарга уонна кинилэр дьиэ кэргэннэригэр көмөлөһөр үтүө санаанан салайтаран төрүттэммиттэрэ.

Волонтёрдар штабтара өрөспүүбүлүкэ 34 улууһугар уонна икки куорат уокуругар тэриллэн үлэлииллэр. Гуманитарнай көмөнү мунньар 8 пуун баар.

Волонтёрдар көмөлөрүнэн анал байыаннай дьайыыга 150 туоннаттан тахса көмө быһыытынан хомуллубут таһаҕас тиэрдиллибит, ол иһигэр: байыаннай сулууспалаахтарга анаан 140 тыһ. тахса оҥоһук бэлэмнэммит, 8 тыһ. тахса байыас сылаас, тымныы таҥаһынан хааччыллыбыт. Ол курдук, СВО-ҕа 143 туонна таһаҕаһы кытта тус аадырыстаах 5,8 тыһ. баһыылка тиэрдиллибит. 

Көхтөөх дьон күүһүнэн уопсайа 68 тыһ. кв. м иэннээх хаххалыыр (маскировкалыыр) сиэккэ өрүллүбүт. 

Штабтарга 6 300 волонтёр үлэлиир. 

Аны мантан инньэ «Халааны утары» диэн волонтёр аахсыйата саҕаланарын Аида Антонова иһитиннэрбит.

Бу аахсыйа эрэгийиэннээҕи #МЫВМЕСТЕ штаб, «Арассыыйа устудьуоннарын этэрээттэрэ» Саха сиринээҕи отделениета уонна «Биир ньыгыл Арассыыйа» баартыйаны өйүүр уопсастыбаннай штаб буолан, кыттыгас көҕүлээһиннэринэн саҕаламмыт. 

Сыала-соруга — халаан уутун алдьатыытын сэрэтэр үлэни эрдэттэн саҕалыыр уонна сааскы халаан кэмигэр олохтоохторго тус аадырыстаах көмөнү оҥорууга көмөлөһүү.  

Уус Алдан оройуонугар буолбут тимуровскай үлэҕэ «Зема» уопсастыбаннай тэрилтэ 137 устудьуона кыттыбыт. Кинилэр ыччат дьыалаларыгар уонна социальнай коммуникацияҕа миниистирэ Петр Шамаев салалтатынан 50 ыалга көмөлөспүттэр. 

Сотору кэминэн ыччат десана аны Нам улууһугар тахсаары бэлэмнэнэр.