Владимировкаттан Табаҕаҕа туоруур суол түөрт балаһалаах буолуоҕа

Дьокуускайга «Умнас» суолу саҥалыы уларытан тутуу үлэтэ ыытыллар – Владимировкаттан Өлүөнэни туоруур күргэҕэ тиийэр суол эргииригэр диэри учаастакка.

СӨ Бырабыыталыстыбатын пресс-сулууспата иһитиннэрэринэн, үлэ бүппүтүн кэннэ суол түөрт балаһалаах буолуоҕа. Суол бу кэрчигэр тротуардар, аныгы сырдатыы, күрүөлэр, оптуобус тохтобуллара уонна эстакадалаах сынньанар былаһаакка оҥоһуллуохтара.

Бэлиэтээн эттэххэ, 11-с килэмиэтиртэн 20-с килэмиэтиргэ диэри учаастак 2024 сылга туттарыллыбыта. Билигин 20-с килэмиэтиртэн 28-с килэмиэтиргэ диэри (уһуна – 8 км) учаастагы саҥардыы бара турар. Үлэни 2028 сылга бүтэрэр былааннаахтар.

«Умнас» саҥардыллар учаастага Табаҕалыыр суолу кытта холбоһор, ол Өлүөнэни туоруур күргэҕэ тахсыыны хааччыйар. Ол эмиэ саҥардыллыа уонна икки балаһалаах буолуоҕа.