Владимир Путин бэтэрээн статуһун ылар кыаҕы кэҥэттэ

Дойду бэрэсидьиэнэ Владимир Путин бу күннэргэ «Бэтэрээннэр тустарынан» федеральнай сокуоҥҥа уларытыылары киллэрии туһунан» сокуоҥҥа илии баттаата.
Киирбит уларытыылар бэтэрээннэр социальнай көмүскэллээх буолууларын күүһүрдэр. Маны сэргэ сокуон саҥа нуормата байыаннай дьайыы бэтэрээнин уонна байыаннай дьайыы түмүгэр инбэлиит статуһун Арассыыйа территориятыгар сэриинэн киириини бохсууга уонна дойду кыраныыссатыгар дьайыыларга кыттыыны ылбыт саппааска сылдьар, федеральнай сулууспалар атын даҕаны үлэһиттэригэр иҥэрэр кыаҕы биэрэр.
Аҕа дойду буойуннарын дьиэ кэргэттэрин кэмитиэтин Саха сиринээҕи салаатын бэрэссэдээтэлин солбуйааччы Саргылана Неустроева чопчулаабытынан, саҥа сокуонунан, бэтэрээн статуһун тус олохторун кэрэйбэккэ эйэлээх нэһилиэнньэни быыһааһыҥҥа, суукка наадалаах матырыйааллары ирдэһиигэ кыттыбыт баһаарынай сулууспа, прокуратура, силиэстийэлиир кэмитиэт үлэһиттэрэ кытта ылар буолуохтара, диэн Ил Дархан уонна Бырабыыталыстыба пресс-сулууспата иһитиннэрэр.