Видео кэтээн көрүүнү күүһүрдүөхтэрэ

Боппуруос Олохтоох дьаһалта баһылыга Евгений Григорьев бэрэссэдээтэллээх куорат теерроризмы утары охсуһар хамыыһыйатын былааннаах мунньаҕар көрүлүннэ.

Сынньалаҥ тэрилтэлэригэр куттал суох буолуутугар ураты болҕомто уурулунна. Мэр этэринэн, үгүс бардарга, кулууптарга уонна эрэстэрээннэргэ «Куттала суох куорат» биир кэлим комплекска интеграцияламмыт толору хааччыллыылаах видеонан кэтээн көрүү систиэмэлэрэ билигин да олохтоммотохтор. Ити тэрилтэ иһигэр да, аттынааҕы да сирдэргэ ыксаллаах быһыы-майгы эбэтэр сокуону кэһии түбэлтэтигэр, ыалдьыттарга улахан кутталы үөскэтэр. Ордук кыһалҕалааҕынан буруй, административнай кэһиилэр элбэхтик тахсар кулууптар, бардара хаалаллар.

Мунньахха балаһыанньаны көннөрүүгэ бииргэ үлэлээһин туһунан дуогабар ситиһилиннэ: манан Росгвардия Прокуратура өйөбүлүнэн дьарыктаныаҕа. Маны таһынан куорат олоҕу хааччыйар стратегическай эбийиэктэрин — ууну-уоту, электро- уонна итиини хааччыйыыны, ону тэҥэ үөрэх тэрилтэлэрин харыстааһын боппуруостара дьүүллэһилиннилэр.