Ууну араарыы кэмигэр туох оҥоһулунна?

“Водоканал” пресс-сулууспата иһитиннэрэринэн, былааннаммыт үлэ барыта этиллибит болдьох иһигэр ситиһиллибит. 04:45 чааска ууну баһар тутуулар (водозаборные сооружения) үлэлээбиттэр, 05:45 чааска ууну аһардар водоузеллар холбоммуттар.

Ол курдук, биир түүн иһигэр туттулубут ууну, убаҕас тобохтору ыраастыыр станцияҕа, Жатайга эмиэ маннык үлэлиир станцияҕа, канализация носуостаах станцияларыгар туһааннаах үлэлэр, электрооборудование ревизията, уу линиятыгар ороскуоту мээрэйдиир тэриллэри уларытыы, ууну аһардар линияларга кэккэ үлэлэр барбыттар.

“Бүтүн куорат үрдүнэн ууну араарыы – сүрдээх уустук технологическай үлэ, “Водоканал” араас салаалаларын үтүмэн үгүс үлэһитэ барыта кэриэтэ турунан туран оҥорор үлэлэрэ, ону тэҥэ кыстыкка бэлэмнэнии биир сүрүн дьаһала буолар”, - диэн “Водоканал” тоһоҕолоон бэлиэтиир.