Куорат урукку хаартыскаларын быыстапкаҕа көрүөххэ сөп

Бу хаартыскалары оччотооҕу Дьокуускай Горисполкомун кылаабынай архитекторын производственнай бөлөҕүн начаалынньыга Тамара Иосифовна Муть мунньубут. Онтон  Национальнай бибилэтиэкэҕэ бэлэхтээбит.

Манна Дьокуускай тутуллубут историята: болуоссаттары, тулаһалары, уулуссалары оҥоруу, тутаах тэрилтэлэр дьиэлэрин дьэндэтии, куорат инфраструктуратын сайдыытын көрдөрөр каадырдар бааллар.

Дьокуускай куорат историятын  умсугуйан үөрэтэр дьоҥҥо бу быыстапка олус интэриэһинэй буолуоҕа диэн СӨ Национальнай бибилэтикэтигэр иһитиннэрдилэр.

Быыстапка балаҕан ыйын 30 күнүгэр диэри үлэлиир.

Буолар сирэ: Ленин пр., 40, Кинигэ түмэлэ (бибилэтиэкэ историческай саалатыгар).