Уран тарбахтаахтарга «Норуот маастара» ытык ааты иҥэрдилэр

Ол курдук, СӨ Ил Дархана Айсен Николаев уурааҕынан Аҕа дойду Улуу сэриитин бэтэрээнэ, норуот маастара, муосчут Николай Баишев «Удьуор уус»бэлиэнэн наҕараадаланна. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

Норуот үгэстэрин үйэтитиигэ дьоһун кылааттарын киллэрэр аҕыс киһиэхэ «Саха сирин норуотун маастара» ытык аат иҥэрилиннэ:

Алексей Андреевка (Кэбээйи);

Розалия Бурнашеваҕа (Үөһээ Бүлүү);

Евдокия Винокуроваҕа (Өлөөн);

Сергей Петровка (Хаҥалас);

Светлана Петроваҕа (Бүлүү);

Василий Протопоповка (Дьокуускай куорат);

Ольга Томскаяҕа (Уус Алдан);

Василий Уаровка (Сунтаар).

Эҕэрдэлиибит!

Санатан эттэххэ, Саха сиригэр Норуот маастарын күнэ 2012 сыллаахха олохтоммута. 2023 сылтан Айсен Николаев уурааҕынан норуот маастардарыгар Ил Дархан истипиэндьийэтэ туттарыллар. Өрөспүүбүлүкэҕэ 2033 сылга диэри норуот уус-уран идэлэрин судаарыстыба өттүттэн өйүүр концепция олоххо киирэр.