Уот төлөбүрүгэр иэс 113 мөлүйүөн солкуобайы аһарда

Уһук Илиннээҕи энергетическэй хампаанньа (ДЭК) бэйэтин сайтыгар ый аайы элбэх кыбартыыралаах дьиэлэри хааччыйар уонна хомунаалынай өҥөҕө иэстээх салайар хампаанньалар (УК) уонна дьиэни бас билэччилэр табаарыстыбаларын (ТСЖ) испииһэктэрин таһаарар.

Өрөспүүбүлүкэ үрдүнэн хомунаалынай өҥөнү ылааччылар ДЭК иннигэр уот иһин уопсай иэстэрэ муус устар 1 күнүттэн 113 мөл. солк. тахсыбыт, оттон «Якутскэнерго» иннигэр иэс 2025 сыл муус устар 1 күнүттэн 193 мөл. солк. тахса буолбут*.

Антирейтинг солбуллубат «лидердэринэн» ИКУ-2025 уонна уот төлөбүрүн иһин саамай улахан иэстээх «УК Гарант Плюс» ХЭТ буолаллар. Бу тэрилтэ иэһэ – 28,7 мөл. солк. Муус устартан үс дьиэни хааччыйар салайар хампаанньа иэһин 3 мөл. солк. таһаарбыт. Иккис уонна үһүс миэстэлэргэ «УК Восхождение» ХЭТ уонна «Ярославское» ХЭТ туһааннааҕынан 18,2 уонна 8,5 мөл.солк. иэстээх тураллар.

6 суобаһа суох тэрилтэлэр испииһэктэригэр маны таһынан киирдилэр: «Университетское» ТСЖ – 6,2 мөл. солк. тахса иэстээх, биир дьиэни хааччыйар «Автодорожная 19» ЖСК – иэһэ 1,6 мөл. солк. аһарбыт, «РИФ» ХЭТ – 1,5 мөл. солк. тахса суума иэстээх. Ааттаммыт тэрилтэлэр бары өрөспүүбүлүкэ киин куоратыгар бааллар.

Маны таһынан энергетиктэр ый аайы хомунаалынай өҥөнү толорор Бочуот дуоскатын саҥардан иһэллэр. Үрдүк эппиэтинэстээх уонна өҥө диссипилиинэтин үтүө суобастаахтык толорор тэрилтэлэр Бочуот дуоскаларыгар киирбиттэр –  Мииринэй к. тэрилтэлэрэ: «УК Капитал-Сервис» ХЭТ, «9 Квартал» ТСЖ, «Экономъ» ХЭТ; Ньурба куораттан: «УК Север – Нюрба» ХЭТ; Дьокуускай куораттан: «Дьулустан» ТСЖ, «Ир-Строй УК» ХЭТ, «УК Веста» ХЭТ, «УК Альтаир» ХЭТ, «Сфера комфорта» ХЭТ.

Толору испииһэги ДЭК сайтыгар билсиэххитин сөп.

Дьокуускай куорат Энергосбыта санатар: хомунаалынай өҥөнү оҥорор толорооччулар икки уонна онтон элбэх ыйтан элбэх иэстээхтэрин туһунан күүһүгэр киирэр суут аакталаахтар, көҥүл (лицензия) ирдэбилигэр куруубай кэһиини оҥороллор. Хаһыс да кэһиини оҥордохторуна, УК-лартан уонна ТСЖ-лартан кинилэр хааччыйар иэстээх дьиэлэрин эбэтэр атын да хааччыйар дьиэлэрин былдьыахтарын сөп.

* 2025 сыл муус устар 1 күнүттэн Саха Өрөспүүбүлүкэтин сыанаҕа бэлиитикэтин Судаарыстыбаннай кэмитиэтин 26.02.2025 сыл 31 №-дээх Уурааҕынан Саха сирин сиригэр-уотугар уотунан «ДЭК» ПАО хааччыйар.

«ДЭК» ПАО
«Якутскэнергосбыт»
пресс-сулууспата