Уоруйах харытыттан харбанна

«Уорбаланааччынан урут сууттаммыт 23 саастаах Дьокуускай олохтооҕо буолара быһаарылынна», — диэн СӨ ИДьМ пресс-сулууспата иһитиннэрэр.

Уорбаланааччы киэһэ комиссионнай маҕаһыыҥҥа бэйэтин ноутбугун туттараары кэлбит. Маҕаһыын үлэһитэ табаары тутар кэмигэр эдэр киһи аһаҕас долбууртан 9 төлөпүөнү ылаат тилэҕэ хараарбыт.

Уоруллубут мал улахан аҥаарын кини атыылаабыт, ордубутун полиция былдьаабыт. «Уоруу» РФ ХК 158 ыст. 3 ч. холуобунай дьыала көбүтүллүбүт, уорбаланааччыга ханна да айаннаабат баппыыскатын туттарбыттар.