Уопсастыбаннай сэбиэт мунньаҕа буолла

Кулун тутар 24 күнүгэр уокуруктааҕы дьаһалта миграция боппуруостарыгар уонна национальнай-култуурунай холбоһуктарга уопсастыбаннай сэбиэтин 1-кы кыбартааллааҕы былааннаах мунньаҕа буолан ааста.
Мунньахха СӨ Тас сибээкэ уонна норуоттар дьыалаларыгар министиэристибэтин национальнай бэлиитикэҕэ департаменын сүрүннүүр исписэлииһэ Максим Саввин XXV федеральнай Сабантуй уонна 32-с нүөмэрдээх орто оскуола дириэктэрэ Лидия Афанасьева тас дойдуттан төрүттээх үөрэнээччилэр интеграцияны хайдах ааһалларын туһунан иһитиннэриини оҥордулар.
2022 с. СӨ уонна Татарстан өрөспүүбүлүкэтэ Саха сиригэр федеральнай таһымнаах Сабантуйу ыытар туһунан сөбүлэҥ түһэрсибиттэрэ. Оттон 2023 с. Дьокуускайга Казань искибиэрин арыйыы кэмигэр 2025 с. Дьокуускайга үбүлүөйдээх XXV федеральнай Сабантуй ыытылларын туһунан иһитиннэрэн тураллар.
Билигин бу тэрээһиҥнэ бэлэмнэнии былаан быһыытынан ыытыллан, бырагыраамата оҥоһулла турарын кэпсээтилэр. Сабантуйга Татарстан өрөспүүбүлүкэтиттэн билиҥҥитэ 1050 киһи кэлэн кыттара былааннанар.
Маны таһынан мунньахха "Об интеграции учеников иностранного происхождения" тиэмэҕэ дириҥ ырытыһыы буолла, үгүс боппуруос күөрэйдэ. 32-с нүөмэрдээх оскуола холобуругар тас дойдуттан төрүттээх үөрэнээччилэр адаптацияны  үчүгэйдик ааһаллара, оскуола тэрээһиннэригэр көхтөөхтөрө, омук быһыытынан араарсар атааннаһыы тахсыбата этилиннэ.
Манна биир сүрүн кыһалҕа оҕолор нуучча тылын ситэ-хото билбэттэрэ үөрэҕи ылалларыгар харгыстары үөскэтэрин бэлиэтээтилэр.
Оскуола мигрант-оҕолору кытта үлэлэһэригэр араас партнердары кытта ситимнээх үлэни ыытара, бу араас култууралары алтыһыннарар, бэйэ-бэйэни өйдөһөр соруктаах тэрээһиннэри ыытарга олус көмөлөөҕүн эттилэр.

 Хаартыска: Дьокуускай уокуруктааҕы дьаһалтатын сайтыттан.