Уоппускаҕар ханна бараҕын?

Роскачество 2026 сылга Арассыыйа иһигэр сынньанарга табыгастаах хайысхалары ааттаата.

Кавказ Каспийскай байҕалын кытыла

Махачкала, Каспийскай уонна Избербаш куораттарга чэпчэки сыанаҕа экзотиканы көрдүүр дьон тардыһаллар. Манна сылаас муоралаах, хайалаах сирдэр уонна былыргы ауллар бааллар.

Карачаево-Черкесия

Бу өрөспүүбүлүкэҕэ термальнай зоналардаах саҥа курортар тутуллаллар, хайаларга хайыһардыыр суоллар оҥоһуллаллар. Саҥа аэропортара сыл ахсын 4 мөлүйүөн туристары хабыан сөп. Сотору кэминэн Кабардино-Балкарияҕа дьиэ кэргэн паарката, бальнеотермальнай кластер, этнопаарка, 4-5 сулустаах отель арааһа баар буолуохтаах.

Эрэгийиэн сылга 8 мөл. кэриҥэ ыалдьыты көрсөргө бэлэмнэнэр.  

Калининград уобалаһа

Экспертэр этэллэринэн, бу эргин ордук историяны таптааччылар тоҕуоруһа мусталлар. Светлогорскай уонна Зеленоградскай Европа таһымнаах сервистээхтэрин бэлиэтииллэр. Эрэгийиэҥҥэ аныгылыы оҥоһуулаах пляж, саҥардыллыбыт историческай эбийиэк элбэх.

Быйыл сайын устата бу уобаласка 880 тыһыынча кэриҥэ турист ыалдьыттыыра күүтүллэр.

Экспертэр  Арассыыйа киин эрэгийиэннэригэр, Карелияҕа, Ярославскай, Тверь уонна Вологда уобаластарыгар сыана улаханнык үрдээбэтэх, онон бу хайысхаларга сынньана барааччы үгүс буолуохтаах диэн сабаҕалыыллар.