Уонунан тыһыынча биэнсийэлээҕи атырдьах ыйыгар эбиллии күүтэр

Атырдьах ыйын 1 күнүттэн Арассыыйаҕа гражданнарга мунньуллар биэнсийэ 17,3% индексацияланыаҕа. Эбии ааҕыллыы 136 тыһыынча кэриҥэ киһини таарыйыаҕа. Бу туһунан РФ Социальнай пуондатын пресс-сулууспата иһитиннэрдэ.

Маны таһынан, үрдэтии дьайыаҕа:

— Биэнсийэ мунньуллар чааһын бииргэ үбүлээһин бырагырааматын кыттыылаахтарыгар;

— Ийэ хапытаалын биэнсийэҕэ ыыппыт төрөппүттэргэ;

— Бииргэ үбүлээһин бырагырааматыгар киирбэккэ, бэйэлэрэ мунньубут дьоҥҥо.

«Маннык биэнсийэлээхтэр харчылара мунньуллар биэнсийэни ылааччылартан өссө үрдүк тэтиминэн, 19,3% улаатыаҕа. Барыллаан ааҕыынан, үрдэтии 37,3 тыһыынча киһини таарыйыаҕа», — диэн иһитиннэриигэ этиллэр.

Соцпуонда чахчытынан, индексацияны ыытарга уопсай үп кээмэйэ 8,5 млрд солкуобайга тэҥнэһэр. Пуонда бэлиэтииринэн, билигин мунньуллар биэнсийэ орто кээмэйэ ыйга 1,6 тыһыынча солкуобай, оттон болдьохтоох биэнсийэ төлөбүрүн (баҕа өттүнэн мунньубуттарга) орто кээмэйэ — 3 тыһыынча солкуобай.