Уматыгынан хааччыллыыга аналлаах мунньах буолан ааста

Мунньахха олохтоох дьаһалта салааларын бэрэстэбиитэллэрин кытта «Жилкомсервис», «Горсвет», «ПТСК», «Главстрой» муниципальнай тэрилтэлэр, «Теплоэнергия», «Якутдорстрой» уонна уматыгынан хааччыйааччылар бэрэстэбиитэллэрэ кыттыыны ыллылар.

Евгений Григорьев тэрилтэлэр күҥҥэ төһө уматыкка наадыйалларын билэ олорорго, хомунаалынай, суол тутуутун, тыа хаһаайыстыбатын эйгэтигэр үлэлиир, бэдэрээттээх тэрилтэлэри бастакы уочарат хааччыйарга, ГСМ ороскуотун кытаанах хонтуруолга тутарга, кэмчилээһиҥҥэ болҕомто уурарга сорудахтаата.

Бэлиэтээн эттэххэ, уопсастыбаннай тырааныспары бу кыһалҕа таарыйбат, ЯПАК уонна «Союз Авто» тэрилтэлэр гаас уматыгынан үлэлииллэр.