Улуу Кыайыы 80 сылынан олохтоммут төлөбүрдэри бэтэрээннэр бары туттулар

Улуу Кыайыы 80 сылынан олохтоммут 2 мөл. солк. кээмэйдээх биир кэмнээх төлөбүрү Аҕа дойду сэриитин бэтэрээннэрэ тохсуон тохсунньу ыйга туппуттара.
Олунньу ыйга Саха Өрөспүүбүлүкэтэ олохтообут биир кэмнээх төлөбүрдэрин Ленинград блокадатыгар, концлааҕырдарга түбэһэ сылдьыбыттар, тыыл бэтэрээннэрэ, «сэрии оҕолоро» эмиэ туттулар. 
Санатар буоллахха, Улуу Кыайыы 80 сылынан Ленинград блокадатын, концлааҕырдар, гетто сиэртибэлэригэр, сэрии кыттыылаахтарын огдооболоругар – 80 тыһ. солк., тыыл бэтэрээннэригэр – 50 тыһ. солк., «сэрии оҕолоругар» 5 тыһ. солк. кээмэйдээх биир кэмнээх төлөбүрдэр анаммыттара. Ол туһунан Ил Дархан Ил Түмэҥҥэ Анал этиитигэр биллэрбитэ. 
Бүгүҥҥү күҥҥэ Улуу Кыайыы үбүлүөйдээх сылынан араас кээмэйдээх төлөбүрү 12 тыһ. кэриҥэ Саха сирин олохтооҕо тутта. 
СӨ Үлэ уонна социальнай сайдыы министиэристибэтин чахчытынан,  Саха сиригэр Аҕа дойду Улуу сэриитин 9 кыттыылааҕа, 1493 тыыл бэтэрээнэ, 208 Аҕа дойду сэриитин кыттыылааҕын огдообото, 11 Ленинград блокадатын уонна 5 концлааҕыр сиэртибэтэ олорор, диэн иһитиннэрэр Ил Дархан уонна Бырабыыталыстыба пресс-сулууспата.