Учууталлар хамнастара уонна социальнай өйөбүл хайдах уларыйан испитэй?
1900 сыллаахха Норуот учууталларын пенсионнай каассата диэн олохтонор. Бу каассаттан судаарыстыбаннай оскуолалар учууталлара 25 сыл үлэлээтэхтэринэ биэнсийэ төлөнөрө. Каасса учууталлар бэйэлэрин хамнастарынан хаҥатыллара.
1912 сылтан учууталлар сайыҥҥы каникул кэмигэр пароходунан босхо күүлэйдиир кыахтаммыттара. Бу сырыылартан кинилэр оскуолаҕа гербарий, үөн-көйүүр, минерал, о.д.а. кэллиэксийэтин хомуйан аҕалаллара.
1930-с сылларга Дьокуускайга Учууталлар сынньанар дьиэлэрэ арыллыбыта.
1946 сыллаахха Дьокуускай 7 элбэх оҕолоох, бастыҥ үлэлээх учууталыгар ынах атыылаһан биэрбиттэр.
1967–1994 сс. Учуутал дьиэтэ үлэлээбит. Манна кинилэр уопут атастаһаллара, квалификацияларын үрдэтинэллэрэ, араас куонкурустарга кытталлара.
Дьиэнэн хааччыллыы боппуруоһа хаһан даҕаны сытыытык туран, 1992 сыллаахха Дьокуускай учууталларыгар толору хааччыллыылаах уопсай дьиэ туппуттар. 1995 сылтан сылга 100-120 кыбартыыраны учууталлара аныыр буолбуттара.
Сиһилии: Дьокуускай куорат Үөрэҕин управлениетын саайта.
Сонуннар
Ордук ааҕаллар
