Учууталбытыгар тугу бэлэхтиибит?

Алтынньы 5 күнүгэр Учуутал күнэ бэлиэтэнэр. Төрөппүттэр бөлөхтөрө бу күннэргэ биир кэм оргуйан олорор буолуохтаах. Сорохтор хайыы үйэ бэлэхтэрин сарсын туттараары сылдьаллар эбит. Оттон өссө да толкуйдана илик буоллаххытына, биһиги испииһэкпитин көрүҥ:

1.  Сибэкки дьөрбөтө – хайа да кэрэ аҥаары үөрдүө, сүргэтин көтөҕүө.

2. Блокнот, күннүк эбэтэр планер – үлэтигэр хайаан да туһалыа. Өссө таһыгар толору аатын суруйтарыахха сөп.

3. Чэй набора – хас да көрүҥү (хара, күөх, ол-бу амтаннаах буолуон сөп) талан ылар ордук, онно эбии кофе, мүөт, дьоҕус иһиккэ барыанньа эбэтэр кэрэ көстүүлээх чааскы угуохха сөп.

4. Сыаналаах уруучука – толору аатын көмүс буукубаларынан суруйтарыахха сөп.

5. Сэртипикээт – ханнык эрэ чопчу маҕаһыыҥҥа, массаж эбэтэр кэрэ буолуу салонугар эбэтэр маастар-кылааска. Сууматын төрөппүттэр сүбэлэһэн быһаараллар.

6. Остуол лаампата эбэтэр органайзер – үлэлиир остуолугар туруоруо, күн аайы туттуо.

7. Остуол оонньуута – дьиэ кэргэнинэн, доҕотторун кытта сынньанарыгар.

8. Сыттаах чүмэчилэр эбэтэр диффузор – дьиэтигэр ураты эйгэни үөскэтиэ. Ол эрээри ханнык эрэ сыкка аллергиялыыр буолуон сөп.

9.  Кэмпиэт эбэтэр сакалаат набора – урут-уруккуттан классика буолбут бэлэх.

11. Термос эбэтэр уу иһэр бытыылка – күн аайы туттуллар, укта сылдьарыгар табыгастаах.

12. Кэнсиэргэ эбэтэр тыйаатырга билиэт – үөрүүтүн үксэтиэ.

13. Дьиэ үүнээйитэ – чааһынай, киэҥ-куоҥ дьиэлээхтэргэ бэлэхтиир ордук. Маныаха көрүүнү-истиини эрэйбэт, хаппырыыһа суох үүнэйини таларгытыгар сүбэлиибит.

14. Остуолга ууруллар эбэтэр эркиҥҥэ ыйанар үйэлээх халандаар – хаһан баҕарар туттуллар.

15. Минньигэс торт – баҕар, онон дьарыктанар биир эмэ төрөппүт баара буолаарай?