Уһуйааннар балаҕан ыйын 1 күнүттэн үлэлиэхтэрэ

84 №-дээх “Искорка” уһуйааҥҥа сотору кэминэн спортивнай былаһаакка саҥардыллыаҕа. Бырайыак олохтоох көҕүлээһиннэри өйүүр (ППМИ) бырагыраамаҕа кыайбыта. Онон манна саҥа спортивнай тээбириннэр: мэһэйдэри туоруур балаһа, күнтэн хаххалыыр тутуу, сиргэ сымнаҕас бүрүөһүн, балансирдар, сүүрэр суол, ыстаҥалыыр зона, баскетбол, футбол,  волейбол оонньуур сирдэр баар буолуохтара.

13 №-дээх “Светлячок” уһуйааҥҥа дьиэни-уоту тупсарыы ыытыллар – сууйуу-сотуу, кырааскалааһын.

45 №-дээх “Земляничка” уһуйааҥҥа тупсарыы үлэтэ тиэргэнтэн саҕаламмыт. Автодорожнай уокурук управатын кытта уһуйаан үлэһиттэрэ субуотунньукка тахсан 19 куул бөҕү хомуйбуттар.

Аны икки нэдиэлэнэн киин куорат уһуйааннара кырачааннары өссө тупсан, киэргэнэн-симэнэн көрсүөхтэрэ.