Уһук Илиннээҕи киинэ бириэмийэтигэр – Саха сирин икки бырайыага

Бу киинэ эйгэтигэр биллэр дьоһун наҕарааданы кинематографка чахчы суолталаах үлэ, ситиһии иһин туттараллар. Быйылгы II Уһук Илиннээҕи киинэ бириэмийэтин лауреаттарга үөрүүлээхтик туттарыы алтынньы 6 күнүгэр Улан-Удэ куоракка буолла. Манна, киэн туттуохпут иһин, Сахабыт сирин икки бырайыага бэйэлэрин номинацияларыгар кыайыылаах таҕыстылар. Бу туһунан РФ Уһук Илини уонна Арктиканы сайыннарыыга министиэристибэтин пресс-сулууспата иһитиннэрдэ.

Ол курдук, продюсердар Анна Борисова уонна Роман Оконешников «Муҥха» үлэлэринэн «Лучший короткометражный игровой, неигровой или анимационный фильм»  категорияҕа наҕарааданы туттулар. Оттон «Лучший полнометражный игровой, неигровой, анимационный фильм или сериал» номинацияҕа «Хаар куйаар номохторо» үлэлэринэн режиссер Алексей Романов, продюсердар Сардана Саввина уонна Алексей Егоров кыайыылаах таҕыстылар.

Хаартыска: "Тундра" студия "Муҥха" ойуулугун кадрыттан