Тыыннаах харыйа атыыта ахсынньы 10 күнүттэн саҕаланар

Ахсынньы 10 күнүттэн Дьокуускайга тыыннаах харыйа атыыта саҕаланар. Атыы «Якутлесресурс» ГАУ тэрилтэтин тиэргэнигэр Кеша Алексеев уул., 9/1 аадырыска тэриллиэҕэ.
Атыыга харыйа уонна бэс мас 1 700 солкуобайтан 2 500 солкуобайга диэри тахсыаҕа.
Харыйа: 1,5 м диэри үрдүктээх – 2 000 солк.; 2 м диэри үрдүктээх – 2 300 солк.; 2 м үрдүк – 2 500 солк.

Бэс: 1,5 м диэри үрдүктээх – 1 700 солк.; 2 м диэри үрдүктээх – 2 000 солк.; 2 м үрдүк – 2 300 солк.
Атыылаһааччыларга табыгастаах буоллун диэн сарсыарда 10.00 чаастан күнүс 16.00 чааска диэри өрөбүлэ суох консультациялар тэрилиннилэр: +7 961 867‒7034; +7 924 599‒1496.
Табаар ахсаана хааччахтааҕынан, эрдэттэн төлөпүөнүнэн билсэр ордук, диэн иһитиннэрэр айылҕа харыстабылын министиэристибэтэ.

Санатар буоллахха, Арассыыйаҕа харыйаны көҥүлэ суох кэрдии бөдөҥ ыстарааптаах: гражданнарга – 3 тыһ. солкуобайтан 4 тыһ. солк. диэри, дуоһунастаах сирэйдэргэ – 20 тыһ. солкуобайтан 40 тыһ. солк. диэри, юридическэй сирэйдэргэ – 200 тыһ. солкуобайтан 300 тыһ. солк. диэри. Маны сэргэ, хоромньу кээмэйэ 5 тыһ. солк. куоһарар эбэтэр мас сыаналаах боруода көрүҥэр киирсэр түгэнигэр, РФ ХК 260 ыст. холуобунай эппиэтинэс саҕаланыан сөп. Экспертэр этэллэринэн, харыйаны «илииттэн» атыылаһыы эмиэ 5 тыһ. солк. ыстарааптаах.