Тыйаатыр уонна киинэ артыыһа, продюсер Иннокентий Луковцев 50 сааһын туолла

«Киин куорат» ааҕааччыларыгар араас кэмҥэ тахсыбыт суруйуулартан артыыс олоҕуттан интэриэһинэй чахчылары түмтэ:

1.  Култуура уонна искусство колледжыгар туттарсарыгар хамыыһыйа уҥуоҕа кыратыттан иҥнибит. Ол саҕана үрдүгэ 150 см (+-) эбит. Кэлин эбиллэн, билигин орто уҥуохтаахтар кэккэлэригэр киирэр.

2. «Король Лир» испэктээккэ Шут оруолун чаҕылхайдык оонньоон, баара-суоҕа 22 сааһыгар Арассыыйа Судаарыстыбаннай бириэмийэтин саамай эдэр лауреата буолар.

3. Былатыан Ойуунускай аатынан Саха тыйаатырыгар 1996 сыллаахтан күн бүгүҥҥэ диэри үлэлиир.

4. 32 сааһыгар, 2008 сыллаахха «Саха Өрөспүүбүлүкэтин үтүөлээх артыыһа» үрдүк аат иҥэриллэр.

5. Биир интервьюга билиммитинэн, оонньообут оруолларын барытын сурунан иһэр, онно «массовкалары» киллэрбэт. Онно кэпсээбитинэн, тыйаатыр сыанатыгар 75 оруолу толорбут, 76-ҕа тиэрдиэн баҕарар. Киинэҕэ оруолун ахсаана 30-ка тиийбит.

6. Тыйаатырга «Коркин. Андаҕар» испэктээккэ уонна «Триумф» киинэҕэ Дмитрий Петрович Коркины оонньоон, көрөөччү биһирэбилин ылбыта. Маны таһынан, «Дьулуур» киинэҕэ эмиэ тренер оруолун толорбутун өйдүүр буолуохтааххыт.

7. Киинэ эйгэтигэр продюсерынан эмиэ үлэлиир: «Кэрэл. Көстүбэт кэрэ», «Тиэтэйбит», «Күүлэй. От кэмэ».

Иннокентий Егоровиһы  үйэ аҥаардаах үбүлүөйүнэн эҕэрдэлиибит!