ТЮЗ: официальнай сонуннарга итэҕэйиҥ

Сэбиэскэй кэмнээҕи «Строитель» кулууп эргэ дьиэтэ тыйаатырга 2000 сыллаахха бэриллибитэ. Эбийиэк сорох өттө өссө 1984 сыллаахтан баһаартан эмсэҕэлээбиттэргэ уопсай дьиэ быһыытынан уларыта тутуллубута. Бу сыллар усталарыгар эргэ дьиэ сууллар кутталланан, 2025 сыллаахтан тыйаатыр административнай чааһа Петр Алексеев уул., 49/1 көһөрүллүбүтэ, айар кэлэктиип репетицията Өрөспүүбүлүкэтээҕи Норуот айымньытын киинигэр уонна Музыка училищетын дьиэтигэр ыытыллаллар.

Оттон 2025 сылтан дьиэ хаарбаҕынан, саахалланар туруктааҕынан билиниллэн, уопсай дьиэ олохтоохторугар сэрэтэр иһитиннэриилэр туттарыллыбыттар. Баһаар буолар күнүгэр манна икки ыал олорбут – уопсайа аҕыс киһи. Бары – атын дьиэҕэ көһөртөн араас төрүөтүнэн аккаастаммыт дьон. Дьолго, баһаарынайдар өҥөлөрүнэн ким да эчэйбэтэх.

Эдэр көрөөччү тыйаатырын дьаһалтата баһаар сулууспатын исписэлиистэригэр махталын тиэрдэр. Куорат олохтоохторун официальнай эрэ иһитиннэриигэ итэҕэйэргитигэр көрдөһөбүт, диэн ТЮЗ пресс-сулууспата иһитиннэрэрэр.