Тырааныспары сайыннарыы хайысхата кэҥэтиллиэҕэ

Ол курдук, ананар үбү тырааныспары атыылаһыыны таһынан оптуобус тохтобулларын оҥорууга кытта туһаҕа таһаарыахха сөп.

2026 сылга Дьокуускайга 30 саҥа оптуобус кэлэрэ былааннаммыта. Саҥа оптуобустары атыылаһыы икки түһүмэҕинэн ыытыллар.

Киин куоракка оптуобус пааркатын хаҥатыы – олохтоох дьаһалта нэһилиэнньэ олоҕун тупсарыыга туһуламмыт үлэтин биир сүрүн соруга. Уматык экологичнай көрүҥүнэн барар, доруобуйаларынан хааччахтаах дьоҥҥо табыгастаах оптуобустар киин куорат уопсастыбаннай тырааныспарын нэһилиэнньэҕэ оҥорор өҥөтүн тупсараллар. Саҥа ылыллар оптуобустарга ураты болҕомто хаачыстыбаларыгар ууруллар, оптуобустар бары климат-хонтуруоллаах, видеокамералаах уонна бырайыас төлүүр валидатордаах буолаллара ирдэнэр.

2022 сылтан Дьокуускай куоракка уопсайа 174 оптуобус саҥардылынна.