Тымныйан ыалдьыы уонна грипп эпидборуоктан намыһах

Ыалдьыы түбэлтэтэ 4,2% намтаабыт. Ол да буоллар Саха сиринээҕи Роспотребнадзор инфекция тарҕаныытын сэрэтэр сыалтан тэрилтэлэргэ уонна уопсастыбаннай миэстэлэргэ сэрэтэр миэрэлэри ылыыны сүбэлиир. Бу туһунан биэдэмистибэ иһитиннэрэр.

Элбэх киһи сылдьар сиригэр – оскуолаларга, атыы-эргиэн кииннэригэр, МФЦ-га, тырааныспарга уо.д.а. – “сарсыардааҥҥы фильтры” ыытарга, үлэһиттэр температураларын бэрэбиэркэлииргэ, мааска кэтэргэ, дьиэни салгылатарга сүбэлииллэр. Үөрэх тэрилтэлэригэр кылаастарга эбэтэр бөлөхтөргө 20% элбэх киһи ыарыйдаҕына хааччахтыыр миэрэлэри ыларга этэллэр.

“ОРВИ сибикитэ билиннэҕинэ – бэйэ эмтэнэн саҕалаамаҥ, суһаллык бырааһы ыҥырыҥ”! – диэн биэдэмистибэ тоһоҕолоон этэр. Быһыы-майгы Роспотребнадзор хонтуруолугар турар.