Тыл эксээмэнин диплом үлэтин оннугар киллэриэхтэрин сөп

Үрдүк үөрэх кыһалара искусственнай өй сайдыытынан сибээстээн, суругунан дипломнай үлэлэртэн аккаастанан тыл эксээмэнигэр көһүөхтэрин сөп. Бу туһунан РФ наукаҕа уонна үрдүк үөрэххэ миниистирэ Валерий Фальков иһитиннэрдэ.

Миниистир бэлиэтииринэн, оҥоһуу өйү дипломнай үлэлэр киирии уонна түмүк тылларын суруйууга үгүстүк тутталлар. Кини санаатынан, тыл эксээмэнэ устудьуон билиитин дьиҥнээхтик сыаналыыр кыаҕы биэрэр: кэпсэтии кэмигэр бэлэмнэнии таһыма уонна билиигэ итэҕэстэр тута көстөллөр.

«Ханнык даҕаны систиэмэ преподаватель ыйытыыларыгар устудьуону бэлэмнээбэт — бу син биир биллэр», — диэн Фальков тоһоҕолоон бэлиэтээтэ.