Тыатааҕылар киһиттэн-сүөһүттэн саллыбат буолбуттар

Итинтэн сиэттэрэн, Саха сиригэр 605 тыатааҕы ахсаанын бэрээдэктиир-дьаһайар туһунан 335 быһаарыы ылыллыбыт.

Аҥаардас бу 2026 сылга үктэниэхтэн Саха сирин үрдүнэн тыатааҕы нэһилиэнньэлээх пууннарга, баахта бөһүөлэктэригэр киирбит сыалай 92 түбэлтэтэ бэлиэтэммит.

Тыатааҕы мэнээктиирэ сыллата эбиллэр улуустарынан Нерюнгри, Ленскэй, Мииринэй, Өлүөхүмэ, Амма, Бүлүү, Мэҥэ Хаҥалас уонна Горнай ааттаммыттар.

Манна даҕатан эттэххэ, кэнники уон сыл иһигэр Саха сиригэр хагдаҥ эһэ ахсаана биллэ эбиллэн, 20 тыһыынчаҕа чугаһаабыт дииллэр. Маныаха хара тыа сүүнэ кыылын бултааһыҥҥа бэриллэр лимиит сыллата ситэ толоруллубакка хаалара, тыатааҕыны бултаһааччы аҕыйаҕа төһүү буолара этиллэр.  Дьонтон толлубат буолууларын биир төрүөтэ массыынанан айаннааччылар суолга тахсар тыатааҕыларга ас биэриилэрэ буолуон сөп.