Тыа хаһаайыстыбатын сайыннарыыга өрүс флота көмөлөһүөҕэ

Жатайдааҕы судоверфь саҥа тутан саҕалаабыт суудуналарыттан биирдэстэринэн Сунтаар улууһугар тыа хаһаайыстыбатын тиэхиньикэтин тиэйэргэ аналлаах дьоҕус паром буолар.

Сунтаар улууһа уонна Жатайдааҕы судоверфь бу туһунан сөбүлэһиини 2025 сыл тохсунньу ыйыгар баттаспыттара. Саҥа паром 40 туонналаах уйуктаах, 19,2 м усталаах, 6,0 м кэтиттээх уонна 0,6 м дириҥҥэ киирэр кээмэйдэрдээх, кэнэҕэһин бэйэтэ айанныырын курдук уларытан оҥоһуллар кыахтаах.

Жатайдааҕы судоверфькэ бэлиэтээбиттэринэн, уу аала Бүлүү өрүһүгэр үлэлээн, тыа хаһаайыстыбатын сайыннарыыга дьоһун кылааты киллэрэр кыахтаах. 
Инникитин маннык ааллары өрөспүүбүлүкэ атын оройуоннарыгар тутары былаанныыллар. Ил Дархан Айсен Николаев эрдэ иһитиннэрбитин курдук, бүгүҥҥү күҥҥэ бу курдук анал тиэхиньикэҕэ Бүлүү бөлөх оройуоннара, Нам, Хаҥалас, Чурапчы улуустара сытыытык наадыйаллар. 
Жатайга уу тырааныспарын сэргэ САРМ дэнэр өрүскэ хомуллар муосталары тутар былаан баар. Бастакы муостаны Чурапчы улууһа ылыаҕа, диэн иһитиннэрэр Ил Дархан уонна Бырабыыталыстыба пресс-сулууспата.